Innlent

Smyglaði 643 OxyContin töflum til landsins

Ólafur Björn Sverrisson skrifar
Oxycontin er sterkt verkjalyf sem hefur aukið á ópíóíðafaraldur í heiminum. Hundruð þúsunda manna hafa látist eftir að hafa ánetjast lyfinu.
Oxycontin er sterkt verkjalyf sem hefur aukið á ópíóíðafaraldur í heiminum. Hundruð þúsunda manna hafa látist eftir að hafa ánetjast lyfinu. AP/Toby Talbot

Karlmaður var í dag sakfelldur fyrir að hafa staðið að innflutningi á 643 töflum af ávana-og fíknilyfinu OxyContin. Maðurinn flutti efnin til landsins með flugi frá Varsjá í Póllandi en tollverðir fundu efnin við leit í farangri ákærða.

Ákærði játaði háttsemina en hann hafði ekki áður orðið uppvís að refsiverðri háttsemi. Var hann dæmdur í þriggja mánaða óskilorðsbundið fangelsi.

Fram kemur í dómi héraðsdóms Reykjaness að ekkert liggi fyrir um hvort ákærði hafi staðið að skipulagningu eða fjármögnun brotsins og virðist hafa flutt efnin til landsins gegn greiðslu. Fallist var á upptökukröfu ákæruvalds og ákærði dæmdur til að greiða allan sakarkostnað.

Í mars á þessu ári var 34 ára pólskur karlmaður dæmdur í sex mánaða fangelsi fyrir innflutning á tæplega tvö þúsund OxyContin töflum. Maðurinn flúði hins vegar land áður en málið var þingfest fyrir dómi en hann hafði flutt töflurnar inn frá Kaowice í Póllandi.

Fíkniefnabrot Smygl Tollgæslan Dómsmál

Tengdar fréttir

Tekinn með á annað hundruð Oxycontin-töflur

Karlmaður var stöðvaður í Flugstöð Leifs Eiríkssonar við komuna til landsins í gærkvöld þar sem í farangri hans fundust á annað hundrað Oxycontin-töflur.

Mest lesið


Fleiri fréttir

Sjá meira


×

Mest lesið