Handbolti

Tumi skoraði fjögur í sigri Coburg

Hjörtur Leó Guðjónsson skrifar
Tumi Steinn Rúnarsson í leik með Valsmönnum.
Tumi Steinn Rúnarsson í leik með Valsmönnum. Vísir/Bára

Tumi Steinn Rúnarsson og félagar hans í Coburg unnu góðan þriggja marka sigur er liðið tók á móti Nordhorn-Lingen í þýsku B-deildinni í handbolta í kvöld, 31-28.

Með sigrinum gerðu Tumi og félagar nánast út um vonir Nordhorn um að vinna sér sæti í þýsku úrvalsdeildinni. Nordhorn þarf nú að vinna seinustu tvo leiki sína og treysta á hagstæð úrslit úr öðrum leikjum.

Heimamenn í Coburg leiddu með einu marki að loknum fyrri hálfleik, 17-16, og unnu að lokum góðan þriggja marka sigur, 31-28.

Tumi Steinn skoraði fjögur mörk fyrir Coburg ásamt því að leggja upp tvö mörk fyrir liðsfélaga sína. Tumi og félagar sitja í 11. sæti deildarinnar með 35 stig þegar tvær umferðir eru eftir af tímabilinu.

Þýski handboltinn

Mest lesið


Fleiri fréttir

Sjá meira


×

Mest lesið