Tsarsko Selo mætti þá Lokomotiv Sofia og þurfti að vinna til að halda sæti sínu í deildinni. Lokomotiv Sofia komst yfir á 26. mínútu en Tsarsko Selo jafnaði sjö mínútum fyrir leikslok.
Í uppbótartíma fékk liðið svo vítaspyrnu og Yusupha Yaffa bjó sig undir að taka hana. Eigandi Tsarsko Selo, Stoyne Manolov, fór þá inn á völlinn og krafðist þess að Martin Kavdanski tæki spyrnuna mikilvægu.
Eftir mikið japl, jaml og fuður tók Kavdanski spyrnuna en hún var varin og Tsarsko Selo féll því niður um deild.
Bulgarian club Tsarsko Selo had a penalty in the last minute to keep them up.
— Sunday League (@SundayShoutsFC) May 24, 2022
The club owner came onto the pitch to change the taker. A different player then missed the penalty.
They got relegated, and the club has now dissolved. pic.twitter.com/Q2p204lriz
Daginn eftir tilkynnti Manolov að hann væri búinn að leggja félagið niður. Hann sagði að auðveldasta leiðin til að tapa peningum væri að fjárfesta í búlgörskum fótbolta.