Handbolti

Viktor Gísli og félagar úr leik eftir jafntefli á heimavelli

Hjörtur Leó Guðjónsson skrifar
Viktor Gísli Hallgrímsson og félagar hans í GOG eru úr leik í Evrópudeildinni.
Viktor Gísli Hallgrímsson og félagar hans í GOG eru úr leik í Evrópudeildinni. Nikola Krstic/MB Media/Getty Images

Viktor Gísli Hallgrímsson og félagar hans í GOG eru úr leik í Evrópudeildinni í handbolta efit 37-37 jafntefli á heimavelli gegn króatíska liðinu Nexe í átta liða úrslitum í kvöld.

Nexe vann fyrri leik liðanna með fimm marka mun, 32-27, og einvígið því samanlagt 69-64.

Viktor Gísli og félagar fóru með tveggja marka forskot inn í hálfleikinn í kvöld og náðu mest fjögurra marka forskoti í síðari hálfleik. Gestirnir voru hins vegar fljótir að vinna upp það forskot og sáu til þess að GOG komst aldrei aftur almennilega inn í einvígið.

Viktor Gísli náði sér ekki á strik í markinu og varði fimm skot af þeim 28 sem hann fékk á sig, en það gerir tæplega 18 prósent hlutfallsmarkvörslu.

Handbolti

Mest lesið


Fleiri fréttir

Sjá meira


×

Mest lesið