Dagskráin í dag: Oddaleikur á Ásvöllum og undanúrslit Meistaradeildar

Stöð 2 Sport

Besta-deild kvenna í fótbolta er komin á skrið og í dag er einn leikur á dagskrá þegar Breiðablik tekur á móti Þór/KA í beinni útsendingu klukkan 17:10.

Þá er einnig einn leikur á dagskrá í undanúrslitum Subway-deildar karla þegar Njarðvíkingar taka á móti Tindastól klukkan 20:05, en Stólarnir leiða einvígið 2-0 og eiga því möguleika á því að sópa deildarmeisturunum í sumarfrí. Upphitun fyrir leikin hefst klukkan 19:40 og að leik loknum verða sérfræðingar Körfuboltakvölds á svæðinu til að gera leikinn upp.

Stöð 2 Sport 2

Meistaradeild Evrópu er við það að ná hámarki og í kvöld mætast Liverpool og Villareal í fyrri undanúrslitaleik liðanna. Upphitun fyrir leikinn hefst klukkan 18:10, en útsending frá leiknum sjálfum hefst klukkan 18:45. Að leik loknum eru Mestaradeildarmörkin á sínum stað þar sem leikurinn verður gerður upp.

Stöð 2 Sport 3

Ítalski boltinn heldur áfram að rúlla og klukkan 18:00 mætast Bologna og ítalíumeistarar Inter. Bologna siglir lygnan sjó um miðja deild, en sigur kemur Inter á topp deildarinnar þegar fjórar umferðir eru eftir.

Stöð 2 Sport 4

Oddalaikur Hauka og KA í átta liða úrslitum Olís-deildar karla fer fram á Ásvöllum í kvöld og við hitum upp fyrir leikinn frá klukkan 18:55. Bein útsending frá leiknum sjálfum hefst svo klukkan 19:20 og Seinni bylgjan gerir leikinn upp að honum loknum.

Stöð 2 eSport

BLAST Premier heldur áfram á Stöð 2 eSport og upphitun fyrir leiki dagsins hefst klukkan 14:00. Fyrsti leikur í átta liða úrslitum Evrópudeildarinnar hefst svo hálftíma síðar áður en leikur tvö er á dagskrá klukkan 17:30.

Þá er fyrsti leikur í Ameríkudeildinni einnig á dagskrá klukkan 20:30.