Innlent

Rann­sókn lögreglu á máli hjúkrunar­fræðingsins lokið

Atli Ísleifsson skrifar
Lögreglan á höfuðborgarsvæðinu sendi frá sér tilkynningu í lok ágúst síðastliðinn þar sem sagði að talið væri að andlát sjúklings á geðdeild Landspítala hafi borið að með saknæmum hætti.
Lögreglan á höfuðborgarsvæðinu sendi frá sér tilkynningu í lok ágúst síðastliðinn þar sem sagði að talið væri að andlát sjúklings á geðdeild Landspítala hafi borið að með saknæmum hætti. Vísir/Vilhelm

Rannsókn lögreglunnar á höfuðborgarsvæðinu á andláti sem varð á geðdeild Landspítalans í ágúst síðastliðnum, þar sem hjúkrunarfræðingur er grunaður um að hafa orðið sjúklingi að bana, er lokið.

Þetta staðfestir Margeir Sveinsson, aðstoðaryfirlögregluþjónn hjá lögreglunni á höfuðborgarsvæðinu, við fréttastofu. 

Hann segir að málið hafi verið sent ákærusviði lögreglunnar. Starfsmenn ákærusviðs munu nú taka afstöðu til þess hvort að ákæra verði gefin út í málinu.

Lögregla sendi frá sér tilkynningu í lok ágúst 2021 þar sem fram kom að talið væri að andlát sjúklings hafi borið að með saknæmum hætti. Heimildir fréttastofu herma að sjúklingurinn, sem var kona á sextugsaldri, hafi þar kafnað í matmálstíma.

Hjúkrunarfræðingurinn var á sínum tíma látinn laus úr haldi lögreglu eftir að Landsréttur felldi úr gildi gæsluvarðhaldsúrskurð Héraðsdóms Reykjavíkur.

Andlát á geðdeild Landspítala til rannsóknar Landspítalinn Lögreglumál

Tengdar fréttir

Útiloka hvorki ásetning né gáleysi

Lögreglan útilokar ekki að ásetningur hafi legið að baki þegar kona, sem lögð hafði verið inn á geðdeild Landspítalans, lést fyrr í mánuðinum. Hjúkrunarfræðingur á geðdeildinni er grunuð um að hafa orðið valdur að dauða konunnar.

Hjúkrunar­fræðingurinn laus úr haldi lög­reglu

Hjúkrunarfræðingur sem sakaður er um að hafa orðið sjúklingi á geðdeild að bana er laus úr haldi lögreglu. Landsréttur felldi í dag úr gildi gæsluvarðhaldsúrskurð Héraðsdóms Reykjavíkur.

Mest lesið


Fleiri fréttir

Sjá meira


×

Mest lesið