Innlent

Sagðist hafa fengið flösku í höfuðið

Tryggvi Páll Tryggvason skrifar
Lögreglan hafði í ýmis horn að líta.
Lögreglan hafði í ýmis horn að líta. Vísir/Vilhelm

Lögreglan á höfuðborgarsvæðinu hafði ýmis horn að líta í gærkvöldi og í nótt, þar á meðal vegna slagsmála í miðborginni.

Laust fyrir klukkan tvö var tilkynnt um slagsmál í miðborginni. Þegar lögreglu bar að garði voru gerendur á bak og burt. Einn var slasaður á vettvangi og sagðist hann hafa fengið flösku í höfuðið. Málið er í rannsókn.

Um hálf þrjú í nótt var óskað eftir aðstoð lögreglu á skemmtistað þar sem ofurölvi gestur staðarins var í haldi dyravarða. Var hann grunaður um að hafa ráðist á þá. Maðurinn var handtekinn og færður í fangaklefa.

Lögreglumál Reykjavík Næturlíf

Mest lesið


Fleiri fréttir

Sjá meira


×

Mest lesið