Handbolti

Karen snýr aftur í landsliðið fyrir úrslitaleikina í undankeppninni

Ingvi Þór Sæmundsson skrifar
Karen Knútsdóttir er ein af þeim leikja- og markahæstu í sögu landsliðsins.
Karen Knútsdóttir er ein af þeim leikja- og markahæstu í sögu landsliðsins. vísir/bára

Karen Knútsdóttir, leikmaður Fram, snýr aftur í íslenska landsliðið sem mætir Svíþjóð og Serbíu í síðustu tveimur leikjum sínum í undankeppni EM 2022.

Karen hefur ekki verið í landsliðinu að undanförnu en kemur nú aftur í hópinn fyrir þessa mikilvægu leiki. Ísland á enn möguleika á að komast á EM. Karen hefur leikið 104 landsleiki og skorað 370 mörk og var fyrirliði landsliðsins um tíma.

Samherji Karenar hjá Fram, Steinunn Björnsdóttir, kemur einnig aftur í landsliðið eftir að hafa verið frá í ár eftir að hafa slitið krossband í hné. Steinunn lék sinn fyrsta leik eftir meiðslin þegar Fram rúllaði yfir Aftureldingu á laugardaginn, 20-39.

Arnar valdi átján leikmenn í hópinn fyrir leikina gegn Svíum og Serbum. Díana Dögg Magnúsdóttir, Sara Sif Helgadóttir og Berglind Þorsteinsdóttir detta út úr hópnum frá því í leikjunum gegn Tyrklandi í febrúar. Ragnheiður Júlíusdóttir er enn frá vegna veikinda.

Ísland mætir Svíþjóð á Ásvöllum 20. apríl. Þremur dögum seinna mætir Ísland Serbíu í úrslitaleik um 2. sætið í riðlinum og þar með sæti á EM.

Landsliðshópurinn

Markverðir:

  • Elín Jóna Þorsteinsdóttir, Ringköbing Håndbold (37/1)
  • Hafdís Renötudóttir, Fram (34/1)

Aðrir leikmenn:

  • Andrea Jacobsen, Kristianstad (29/30)
  • Elísa Elíasdóttir, ÍBV (4/0)
  • Harpa Valey Gylfadóttir, ÍBV (12/12)
  • Helena Rut Örvarsdóttir, Stjarnan (49/80)
  • Hildigunnur Einarsdóttir, Valur (88/98)
  • Jóhanna Margrét Sigurðardóttir, HK (3/7)
  • Karen Knútsdóttir, Fram (104/370)
  • Lovísa Thompson, Valur (27/64)
  • Rakel Sara Elvarsdóttir, KA/Þór (3/2)
  • Rut Jónsdóttir, KA/Þór (106/223)
  • Sandra Erlingsdóttir, EH Aalborg (10/30)
  • Steinunn Björnsdóttir, Fram (36/50)
  • Sunna Jónsdóttir, ÍBV (65/50)
  • Thea Imani Sturludóttir, Valur (52/82)
  • Unnur Ómarsdóttir, KA/Þór (36/41)
  • Þórey Rósa Stefánsdóttir, Fram (111/327)
EM kvenna í handbolta 2022 Landslið kvenna í handbolta

Mest lesið


Fleiri fréttir

Sjá meira


×

Mest lesið