Tómas Birgir leiðir Nýja ó­háða listann í Rang­ár­þingi eystra

Í tilkynningu segir að opinn fundur hafi verið haldinn á Midgard fyrr í vikunni þar sem kynning hafi farið fram á framboðinu og frambjóðendum í efstu sætum. Einnig hafi verið umræður og svo könnun á meðal fundargesta sem hafi gefist kostur á að raða frambjóðendum í efstu sæti listans.

„Með hliðsjón af könnuninni eru efstu sæti listans skipuð eftirfarandi einstaklingum:

• Tómas Birgir Magnússon, ferðaþjónustuaðili og íþróttakennari, 1. sæti
• Christiane Bahner, sveitarstjórnarfulltrúi og lögmaður, 2. sæti
• Guðni Ragnarsson, flugmaður og bóndi, 3. sæti
• Heiðbrá Ólafsdóttir, lögfræðingur og bóndi, 4. sæti
• Guðmundur Ólafsson, bóndi, 5. sæti
• Rebekka Katrínardóttir, verslunareigandi, 6. sæti
• Anna Runólfsdóttir, verkfræðingur, 7. sæti

Listinn er skipaður einstaklingum víðsvegar úr sveitarfélaginu sem eiga það sameiginlegt að vilja bjóða fram krafta sína og hugsjónir með það að markmiði að byggja upp betra og réttlátt samfélag fyrir alla íbúa sveitarfélagsins ásamt því að grípa þau fjölmörgu tækifæri sem eru að finna á svæðinu,“ segir í tilkyninngunni.