Bjarki markahæstur í Íslendingaslag Evrópudeildarinnar

Bjarki og félagar náðu yfirhöndinni um miðbik fyrri hálfleiksins náðu mest fjögurra marka forystu í stöðunni 15-11. Þeir leiddu með tveimur mörkum þegar flautað var til hálfleiks, 19-17.

Heimamenn í Lemgo héldu svo forskoti sínu allan síðari hálfleikinn og unnu að lokum gríðarlega mikilvægan fjögurra marka sigur, 39-35.

Bjarki var sem áður segir markahæsti maður vallarins með tíu mörk úr ellefu skotum fyrir Lemgo. Viktor Gísli átti fínan leik í marki GOG og varði níu skot af þeim 29 sem hann fékk á síg, en það gerir 31 prósent markvörslu.

Lemgo situr nú í fjórða sæti riðilsins með 12 stig eftir alla tíu leiki riðlakeppninnar. GOG trónir enn á toppi riðilsins með 15 stig, en Nantes og Benfica koma þar tveimur stigum á eftir og mætast innbyrgðis í kvöld.