Gísli Freyr tekur við af Stefáni Einari

Frá þessu er greint í Morgunblaðinu í dag, en Gísli Freyr hefur starfað sem ráðgjafi hjá KOM ráðgjöf frá árinu 2017. Þar áður starfaði hann sem blaðamaður á Viðskiptablaðinu og var um tíma aðstoðarmaður innanríkisráðherra.

Hann hefur auk þess síðustu ár verið ritstjóri og útgefandi að tímaritinu Þjóðmálum, auk þess að stýra samnefndum hlaðvarpsþætti. Gísli Freyr hefur störf á Morgunblaðinu í dag.

Stefán Einar er sagður nú munu einbeita sér að þáttastjórnun í Dagmálum, auk þess að sinna öðrum verkefnum utan fjölmiðla.