Búið að opna vegina um Hellisheiði og Þrengsli

Vetrafærð er nú víða á landinu og er hálka á vegum í öllum landshlutum. 

Á Suðvesturlandi eru Krýsuvíkurvegur og vegurinn um Mosfellsheiði ófærir. Þá er ófært í Ísafirði og vegurinn um Dynjandisheiði lokaður en vegurinn um Suðavíkurhlíð var opnaður í morgun.

Á Norðurlandi er vegurinn um Víkurskarð lokaður og á Suðurlandi er ófært í Grafningsvegi og þungfært á Þingvallavegi.

Á morgun verða síðan varasamar aðstæður þegar bleytir ofan á ísaða vegi og er hætta á flughálku mjög víða.