Lærisveinar Aðalsteins styrktu stöðu sína á toppnum

Mikið jafnræði var með liðunum allt frá fyrstu mínútu og lítið sem ekkert sem gat skilið liðin að. Gestirnir í Kadetten fóru þó með minnsta mögulega forskot inn í hálfleikinn í stöðunni 14-13.

Svipaða sögu er að segja af síðari hálfleik þar sem liðin héldust í hendur lengst af. Gestirnir í Kadetten virstu þó vera hálfu skrefi á undan og sigldu fram úr á lokamínútunum. Þeir unnu að lokum góðan fjögurra marka sigur, 30-26.

Aðalsteinn situr með lærisveina sína á toppi deildarinnar með 32 stig eftir 17 leiki. Liðið hefur unnið 15 og gert tvö jafntefli á tímabilinu. Wacker Thun situr hins vegar í þriðja sæti deildarinnar með 21 stig.