Fótbolti

Senegal af öryggi í undanúrslitin

Arnar Geir Halldórsson skrifar
Famara Diédhiou kom Senegal á bragðið í kvöld.
Famara Diédhiou kom Senegal á bragðið í kvöld. vísir/Getty

Senegal varð í kvöld síðasta liðið til að tryggja sér farseðil í undanúrslit Afríkukeppninnar þegar liðið vann öruggan sigur á Miðbaugs Gíneu.

Eftir hálftíma leik kom Famara Diedhiou Senegal á bragðið þegar hann skoraði eftir stoðsendingu Sadio Mane.

Þrátt fyrir yfirburði Senegal tókst Gíneumönnum að jafna metin á 57.mínútu þegar Jannick Buyla Sam skoraði.

Í kjölfarið stigu Senegalar á bensíngjöfina og tryggðu sér sigur með mörkum frá Cheikhou Kouyate á 68.mínútu og Ismaila Sarr á 79.mínútu.

Lokatölur 3-1 fyrir Senegal sem munu mæta Búrkina Fasó í undanúrslitunum á meðan Egyptaland og heimamenn í Kamerún mætast í hinni undanúrslitaviðureigninni.

Afríkukeppnin í fótbolta

Mest lesið


Fleiri fréttir

Sjá meira


×

Mest lesið