Sport

Fulltrúar Íslands á Vetrarólympíuleikunum í Peking

Sindri Sverrisson skrifar
Sturla Snær Snorrason á ferðinni í PyeongChang fyrir fjórum árum.
Sturla Snær Snorrason á ferðinni í PyeongChang fyrir fjórum árum. Getty/Michael Kappeler

Nú er orðið ljóst hvaða fimm Íslendingar keppa á Vetrarólympíuleikunum í Peking í næsta mánuði. Þrír þeirra keppa í skíðagöngu og tveir í alpagreinum.

Framkvæmdastjórn ÍSÍ hefur nú staðfest valið á keppendum fyrir leikana sem fara fram dagana 4.-20. febrúar. 

Samkvæmt gögnum frá Alþjóðaskíðasambandinu (FIS) hefur Ísland fengið úthlutað kvóta fyrir einn keppanda í alpagreinum karla, einn keppanda í alpagreinum kvenna, einn keppanda í skíðagöngu kvenna og tvo keppendur í skíðagöngu karla.

Úthlutun kvóta byggir á lágmörkum og árangri íslenskra keppenda á alþjóðlegum mótum og formlegum styrkleikalistum FIS útgefnum þann 17. janúar 2022.

Keppendur Íslands í Peking:

  • Hólmfríður Dóra Friðgeirsdóttir, alpagreinar kvenna – svig, stórsvig og risasvig
  • Sturla Snær Snorrason, alpagreinar karla – svig og stórsvig
  • Kristrún Guðnadóttir, skíðaganga kvenna – sprettganga
  • Snorri Einarsson, skíðaganga karla – 15km F (frjáls aðferð), 30km skiptiganga, 50km C Mst (fjöldastart, hefðbundin aðferð), liðakeppni í sprettgöngu
  • Isak Stianson Pedersen, skíðaganga karla – sprettganga og liðakeppni í sprettgöngu

Þeir Sturla Snær, Snorri og Isak voru allir á meðal keppenda á Vetrarólympíuleikunum í PyeongChang fyrir fjórum árum en Hólmfríður Dóra og Kristrún fara nú á sína fyrstu leika.

Snorri Einarsson keppti einnig á Vetrarólympíuleikunum fyrir fjórum árum.Getty/Matthias Hangst
Vetrarólympíuleikar 2022 í Peking Íslendingar erlendis Ólympíuleikar

Mest lesið


Fleiri fréttir

Sjá meira


×

Mest lesið