Fótbolti

Boufal hetja Marokkó | Gínea sigraði Malaví

Hjörtur Leó Guðjónsson skrifar
Leikmenn Marokkó fögnuðu vel og innilega þegar Sofiane Boufal skoraði sigurmark liðsins.
Leikmenn Marokkó fögnuðu vel og innilega þegar Sofiane Boufal skoraði sigurmark liðsins. Ulrik Pedersen/NurPhoto via Getty Images

Tveimur leikjum á Afríkumótinu í fótbolta var að ljúka rétt í þessu. Í C-riðli vann Marokkó 1-0 sigur gegn Gana þar sem sigurmarkið kom á lokamínútum leiksins og í B-riðli vann Gínea einnig 1-0 sigur gegn Malaví.

Nokkuð jafnræði var með liðunum í leik Marokkó og Gana og báðum liðum gekk erfiðlega að brjóta ísinn.

Enn var markalaust þegar flautað var til hálfleiks og ekki var heldur búið að skora þegar komið var að seinustu tíu mínútum leiksins.

Á 83. mínútu fékk framherji Marokkó, Zakaria Aboukhlal, boltann inni á vítateig Gana og reyndi að prjóna sig í gegnum vörnina. Thomas Partey náði að pota í boltann með þeim afleiðingum að hann barst á Sofiane Boufal sem þakkaði fyrir sig með því að setja hann í netið.

Þetta reyndist eina mark leiksins og Marokkó fagnaði því 1-0 sigri og þremur stigum í þokkabót.

Þá mættust Gínea og Malaví í B-riðli á sama tíma. Issiaga Sylla skoraði eina mark leiksins á 35. mínútu og tryggði Gíneu þar með 1-0 sigur.

Afríkukeppnin í fótbolta

Mest lesið


Fleiri fréttir

Sjá meira


×

Mest lesið