Stjörnulífið: Tenerife, afmæli og fallhlífarstökk

Donna Cruz naut lífsins í heimapartýi í góðra vina hópi um helgina. Sunneva Einars fór í skvísudinner á veitingastaðinn Lóa á laugardagskvöld með vinkonunum.

Birgitta Haukdal fór á skíði með syninum.

Eva Ruza hélt upp á afmælið sitt á föstudagskvöld, borðaði köku og skálaði í óáfengum kokteilum.

Rikki G segir að Tenerife sé svo sannarlega ekki ofmetinn áfangastaður. Hann er einn af þeim þúsundum Íslendinga sem dvalið hafa á eyjunni síðustu daga. 

Leikkonan Þórdís Björk er orðin dökkhærð aftur.

Tónlistarkonan Greta Salóme hefur útbúið líkamsrækt heima hjá sér og er dugleg að sýna frá æfingunum sínum á Instagram.

Eliza Reed forsetafrú var ánægð að fá loksins eintak af bókinni sinni Sprakkar í hendurnar, sem fjallað hefur verið um hér á Vísi.

Knattspyrnukonan Brynhildur Gunnlaugs heldur áfram að njóta lífsins sem TikTok stjarna í London.

Erna Kristín ætlar aldrei aftur megrun. Hún ræddi megrunarmenninguna í viðtali við Lífið á Vísi fyrir helgi.

Trendnet bloggarinn Arna Petra fór í Kjós með fjölskyldunni og umhverfið þurfti svo sannarlega engan filter. 

Þjálfarinn Arna Vilhjálms hélt upp á afmælið sitt um helgina. Hún tognaði svo illa í hálkunni í gær og hvílir sig heima í dag. 

Fegurðardrottningin Hugrún Egils, Miss World Iceland 2021, fór út að ganga með köttinn sinn.

Ferðabloggarinn og ljósmyndarinn Ása Steinars eignaðist sitt fyrsta barn eins og kom fram um helgina á Lífinu.

Hugleikur Dagsson er með puttann á púlsinum þegar kemur að skopmynd dagsins.

Vilborg Arna Gissurardóttir og Brynhildur Ólafsdóttir skelltu sér á Vatnajökul. Þær eru við æfingar fyrir göngu yfir Grænlandsjökul.

Pattra fékk óléttu „cravings“ um helgina.

Tobba Marínós eyddi helginni í safagerð fyrir veitingastað sinn, Granólabarinn. Á magninu mætti halda að margir Íslendingar ætli að taka safakúr þessa vikuna eða að minnsta kosti bæta grænum djúsum inn í mataræðið.

Hin ávalt hvatvísa Fanney Dóra klippti sjálf á sig topp um helgina. 

Rúrik Gíslason vakti athygli í dúnvesti yfir þykka dúnúlpu á samfélagsmiðlum um helgina. Er dúnn á dún nýja „denim on denim“ trendið? 

Hanna Rún og Nikita Bazev kepptu á dansmóti á Ítalíu í gær. Þau komust í gegnum alla niðurskurði, alla leið í úrslitaumferðina og enduðu í fjórða sæti.

Albert Guðmundsson, landsliðsmaður í knattspyrnu, gerði upp fríið sitt til Dubai yfir hátíðarnar hvar þau Guðlaug Elísa nutu lífsins í sól og sumaryl. Albert skellti sér í fallhlífarstökk eins og frægt er orðið.

GDRN eða Loðinn? Söngkonan Guðrún Eyfjörð minnir greinilega sjálfa sig á vinsælan karakter í Stjörnustríðsmyndunum. Chewbacca eða Loðinn, eins og hann heitir á íslensku.

Strákarnir okkar tóku nýja mynd fyrir EM. Fyrsti leikur á föstudag.

Leik- og söngkonan Selma Björnsdóttir nýtur lífsins á Tenerife þessa dagana. Hún skellti sér þangað með foreldrum sínum og dóttur en móðir hennar fagnaði 75 ára afmæli um helgina.

Birgitta Líf er einnig á Tenerife og heldur áfram að birta þaðan sólarmyndir. „Ljúfa líf.“

Hlaðvarparinn og markþjálfinn Eva Mattadóttir minnti okkur á að við erum öll venjuleg. Nýjasti þátturinn af Norminu vakti athygli á Vísi um helgina, en þar er fjallað um pressuna í byrjun árs. 

Leikkonan Unnur Eggertsdóttir er komin 30 vikur á leið. Hún hefur aldrei haft gaman af líkamsrækt en er á meðgöngunni með aðstoð TikTok og YouTube búin að finna æfingar sem hún hefur gaman af.