Innlent

Réðust á einstakling vopnaðir kylfum og hníf

Hólmfríður Gísladóttir skrifar
Stærstu verkefni lögreglu í gærkvöldi og nótt voru í Kópavogi.
Stærstu verkefni lögreglu í gærkvöldi og nótt voru í Kópavogi.

Lögreglunni á höfuðborgarsvæðinu barst tilkynning um líkamsárás í Kópavogi um klukkan 19.30. Árásarmenn virðast hafa verið fleiri en einn og eru grunaðir um að hafa beitt kylfum og hníf. 

Fórnarlambið fékk aðhlynningu á Landspítala og málið er í rannsókn en meira er ekki gefið upp í tilkynningu lögreglu um verkefni gærkvöldsins og næturinnar.

Greint er frá einu öðru verkefni lögreglu en um klukkan 2 í nótt barst tilkynning um mann sem var að áreita fólk í verslun í Kópavogi. Maðurinn ók á brott þegar lögregla kom á vettvang og neitaði að stöðva bifreiðina. 

Honum var veitt eftirför um Kópavog og inn í Hafnarfjörð, þar sem naglamotta var notuð til að stöðva för hans.

Lögreglumál Kópavogur

Mest lesið


Fleiri fréttir

Sjá meira


×

Mest lesið