Silva verður áfram í herbúðum Chelsea

Þessi 37 ára leikmaður skrifaði undir nýjan samning í dag sem tryggir Lundunaliðinu þjónustu hans út næsta tímabil.

Silva gekk í raðir Chelsea frá PSG sumarið 2020, og með félaginu vann hann Meistaradeild Evrópu í fyrsta sinn á ferlinum er liðið hafði betur gegn Manchester City í úrslitaleiknum í fyrra.

Silva hefur leikið 40 deildarleiki fyrir Chelsea síðan hann gekk til liðs við félagið og hefur varnarmaðurinn skorað fjögur mörk í þeim leikjum.

„Að spila fyrir Chelsea veitir mé mikla ánægju. Ég bjóst aldei við því að spila fyrir þetta frábæra félag í þrjú ár þannig að ég er virkilega glaður með að vera hérna eitt tímabil í viðbót,“ sagði Silva eftir að hann undirritaði samninginn.