Innlent

Ekið á ellefu ára barn í Kópavogi

Hólmfríður Gísladóttir skrifar
Lögregla stöðvaði einn ökumann í gær sem er grunaður um akstur undir áhrifum fíkniefna og ítrekaðan akstur án gildra ökuréttinda. Þá var bifreið hans ótryggð og skráningarnúmer hennar fjarlægð.
Lögregla stöðvaði einn ökumann í gær sem er grunaður um akstur undir áhrifum fíkniefna og ítrekaðan akstur án gildra ökuréttinda. Þá var bifreið hans ótryggð og skráningarnúmer hennar fjarlægð. Vísir/Vilhelm

Ekið var á 11 ára barn í Kópavogi um klukkan 18 í gær þegar það var að fara yfir götu á gangbraut. Barnið kvartaði um eymsli í hendi og var flutt með sjúkrabifreið á Landspítala. Foreldri þess var þá komið á vettvang.

Seinna um kvöldið barst lögreglunni á höfuðborgarsvæðinu tilkynning um að ökumaður hefði keyrt utan í tvær bifreiðar og stungið af. Það atvik átti sér einnig stað í Kópavogi en tjónvaldur var handtekinn skömmu síðar og er grunaður um akstur undir áhrifum áfengis.

Í miðborginni voru tveir menn handteknir grunaðir um þjófnað á munum úr búningsklefa íþróttahúss. Voru þeir vistaðir í fangageymslum vegna rannsóknar málsins.

Þá var ofurölvi maður handtekinn í póstnúmerinu 104 en hann hafði verið að trufla drengi á íþróttaæfingu. Maðurinn er einnig grunaður um þjófnað og vörslu fíkniefna og var vistaður í fangageymslu vegna rannsóknar málsins.

Lögreglumál Kópavogur

Mest lesið


Fleiri fréttir

Sjá meira


×

Mest lesið