Wizz fyrir lífsins ljúfu stundir

„Wizar hægindastóllinn er ein vinsælasta varan okkar og prýðir ófá íslensk heimili í dag. Íslendingar hafa sannarlega tekið honum opnum örmum og nú höfum við fengið nýja og endurgerða útgáfu af stólnum sem kallast Wizz og við hlökkum til að kynna fyrir viðskiptavinum,“ segir Steinn Kári Ragnarsson hjá Vogue fyrir heimilið.

Í nýju útgáfunni er nýr hreyfimekkanismi svo stóllinn er enn einfaldari í stillingu og allri notkun. Einnig hefur útlit stólsins verið uppfært og þægindin aukin.

„Wizz gefur Wizar ekkert eftir enda byggður á sömu hugmyndafræði,“ segir Steinn. „Vinsældir Wizar eiga sér skýringar, stóllinn er ekki bara einstaklega þægilegur og nettur og tekur lítið pláss heldur er hann afskaplega falleg hönnun. Íslendingar hafa löngum verið svag fyrir danskri hönnun og þessir stólar koma frá litlu hönnunarteymi sem hefur sérhæft sig í hægindastólum og byggja á áralangri reynslu og þekkingu. Þau eru að gera mjög góða hluti í Skandinavíu.

Vinsældir stólsins má ekki síst rekja til þess hve hann kemur í mörgum litum. Íslendingar eru gjarnir á að velja svart og grátt en það hefur ekki átt við um Wizar. Það er mjög vinsælt að lífga upp á stofuna með stól í hressandi lit og gaman að segja frá því að rauður er langvinsælasti liturinn hjá okkur."