Gunnar nýr sam­skipta­stjóri ríkis­lög­reglu­stjóra

Samkvæmt upplýsingum frá embættinu starfaði Gunnar áður hjá Eftirlitsstofnun EFTA (ESA) í Brussel þar sem hann hafi gegnt starfi upplýsingafulltrúa. 

Þá hafi hann áður starfað hjá Markaðsstofu Reykjaness sem markaðs- og upplýsingafulltrúi auk þess sem hann hefur starfað sem sérfræðingur á Alþingi. 

Gunnar er með BA í stjórnmálafræði frá Háskóla Íslands og MSc í Strategic Communications & PR frá Stirling University og Universitat Pompeo Fabra.

Alls sóttu 33 um stöðuna sem auglýst var í lok ágústmánaðar.

„Meginhlutverk samskiptastjóra verður að byggja upp, móta og sinna upplýsingamiðlun vegna starfsemi embættis ríkislögreglustjóra, þróa notkun á stafrænum miðlum og sjá um skipulag viðburða og funda á vegum embættisins. Leitað er að einstaklingi sem hefur vilja og færni til að styðja við megináherslur embættisins, sem eru þjónusta, forysta, mannauður, nýsköpun og samstarf,“ sagði í auglýsingunni.