Teitur skoraði þrjú í jafntefli

Mikð jafnræði var með liðunum allt frá fyrstu mínútu, en Teitur og félagar voru þó alltaf einu til tveim mörkum yfir. Heimamenn náðu þó að jafna leikinn fyrir hálfleik og staðan var 16-16 þegar gengið var til búningsherbergja.

Það sama var uppi á teningnum í sienni hálfleik og liðin héldust í hendur alla leið. Eins og í fyrri hálfleik höfðu Teitur og félagar þó alltaf eins til tveggja marka forystu og líkt og í fyrri hálfleik náði Göppingen að jafna leikinn undir lokin.

Teitur skoraði þrjú mörk fyrir Flensburg sem er nú með tíu stig í sjötta sæti deildarinnar eftir átta leiki. Göppingen hefur náð í 11 stig og situr í fjórða sæti, en Janus Daði Smárason var ekki með liðinu í dag vegna meiðsla.