Bein útsending: Uppbygging íbúða í Reykjavík

Reykjavíkurborg 29. október 2021 07:30

Dagur B. Eggertsson borgarstjóri mun taka til máls og ræða uppbyggingu íbúða í borginni. Vísir/Vilhelm

Árviss kynningarfundur borgarstjóra Reykjavíkur um uppbyggingu íbúða í borginni verður haldinn í Tjarnarsal Ráðhúss Reykjavíkur milli klukkan 9 og 11. Hægt er að horfa á fundinn á Vísi.

Á fundinum verður farið yfir uppbyggingu íbúða um alla borg, en sjónum verður einnig beint sérstaklega að mikilvægum uppbyggingarsvæðum og framtíðaráherslum Reykjavíkurborgar. Fundarstjóri er Björg Magnúsdóttir.

Í tilkynningu frá Reykjavíkurborg segir að borgin haldi utan um hvar sé verið að byggja og leiti eftir upplýsingum um hvenær íbúðir verði teknar í notkun til að birta í samantektum sínum.

„Áhugaverðar lykiltölur miðað við 1. október sl. verða kynntar:

1.885 - Nýir íbúar á árinu til 1. október
2.698 - Íbúðir í byggingu 1. október
1.167 - Nýjar íbúðir teknar í notkun á árinu til 1. október

Markmið Græna plansins gerir ráð fyrir 1.000 íbúðum á ári en uppbyggingin í ár er þegar komin fram úr því viðmiði eins og sjá má. Til að setja tölurnar í samhengi þá eru um 57 þúsund íbúðir eða íbúðaeiningar í borginni og fjöldi íbúa nálgast 135 þúsund,“ segir í tilkynningunni.

Hægt er að horfa á fundinn í heild hér að neðan og svo hvert erindi fyrir sig.

Klippa: Uppbygging íbúða í Reykjavík