Enski boltinn

Liverpool tilbúið að dæma hrækjarann í ævilangt bann

Ingvi Þór Sæmundsson skrifar
Stuðningsmaður Liverpool gæti verið á leið í ævilangt bann frá heimaleikjum liðsins.
Stuðningsmaður Liverpool gæti verið á leið í ævilangt bann frá heimaleikjum liðsins. getty/Peter Byrne

Liverpool hefur hafið rannsókn á stuðningsmanninum sem á að hafa hrækt á starfslið Manchester City í leik liðanna í ensku úrvalsdeildinni á sunnudaginn. Hann gæti fengið ævilangt bann frá leikjum á Anfield.

City lagði inn kvörtun til Liverpool eftir leikinn á sunnudaginn vegna stuðningsmanns Rauða hersins sem hrækti á meðlim í starfsliði gestanna.

„Starfsliðið sagði mér frá þessu en ég sá atvikið ekki,“ sagði Pep Guardiola, knattspyrnustjóri City, í viðtali eftir leik.

Í samvinnu við lögregluna í Merseyside freistar Liverpool nú þess að finna hrækjarann. Liverpool er afar ósátt við framkomu hans og er tilbúið að setja hann í ævilangt bann frá heimaleikjum liðsins.

Leik Liverpool og City lauk með 2-2 jafntefli. Rauði herinn komst tvisvar yfir í leiknum en City-menn jöfnuðu í tvígang.

Liverpool er í 2. sæti ensku úrvalsdeildarinnar með fimmtán stig, einu stigi og einu sæti á undan City.

Enski boltinn

Mest lesið


Fleiri fréttir

Sjá meira


×

Mest lesið