Handbolti

Íslenskir dómarar á EM

Sindri Sverrisson skrifar
Anton Gylfi Pálsson og Jónas Elíasson dæma á EM.
Anton Gylfi Pálsson og Jónas Elíasson dæma á EM. vísir/Vilhelm

Jónas Elíasson og Anton Gylfi Pálsson verða á ferðinni á Evrópumótinu í handbolta í janúar. Þeir eru á meðal 18 dómarapara frá jafnmörgum löndum sem dæma á mótinu.

Þetta verður í annað skiptið sem að 24 lið spila á EM en alls verða spilaðir 65 leikir á mótinu sem fram fer í Ungverjalandi og Slóvakíu. Þetta verður jafnframt annað Evrópumótið í röð sem Anton og Jónas dæma á en þeir dæmdu tvo leiki á EM 2020.

Anton og Jónas koma ekki til með að dæma í B-riðli en þar spilar íslenska landsliðið gegn Portúgal, Ungverjalandi og Hollandi og er riðillinn leikinn í Búdapest.

Íslenska dómaraparið hefur áður einnig dæmt á HM og Ólympíuleikunum í Ríó árið 2016. Anton býr yfir meiri reynslu en Jónas því hann dæmdi áður á stórmótum með Hlyni Leifssyni og er samkvæmt frétt handbolta.is á leið á sitt sjöunda stórmót.

Dómarapörin á EM:

  • Austurríki: Radojko Brkic / Andrei Jusufhodzic
  • Danmörk: Mads Hansen / Jesper Madsen
  • Ísland: Jónas Elíasson / Anton Pálsson
  • Króatía: Matija Gubica / Boris Milosevic
  • Litáen: Vaidas Mazeika / Mindaugas Gatelis
  • N-Makedónía: Slave Nikolov / Gjorgji Nachevski
  • Portúgal: Duarte Santos / Ricardo Fonseca
  • Rúmenía: Bogdan Nicolae Stark / Romeo Mihai Stefan
  • Serbía: Nenad Nikolic / Dusan Stojkovic
  • Slóvakía: Boris Mandak / Mario Rudinsky
  • Slóvenía: Bojan Lah / David Sok
  • Spánn: Andreu Marin / Ignacio Garcia Serradilla
  • Svartfjallaland: Ivan Pavicevic / Milos Raznatovic
  • Sviss: Arthur Brunner / Morad Salah
  • Svíþjóð: Mirza Kurtagic / Mattias Wetterwik
  • Tékkland: Vaclav Horacek / Jiri Novotny
  • Ungverjaland: Adam Biro / Oliver Kiss
  • Þýskaland: Robert Schulze / Tobias Tönnies
EM 2022 í handbolta

Mest lesið


Fleiri fréttir

Sjá meira


×

Mest lesið