Tottenham mun sekta Giovani Lo Celso og Cristian Romero

Lo Celso og Romero voru báðir í byrjunarliði Argentínu þegar að liðið mætti Brasilíu í undankeppni HM 2022 í gær og leikurinn var flautaður af eftir að brasilískir heilbrigðisstarfsmenn ruddust inn á völlinn.

Tottenham ætlar að sekta leikmennina fyrir hegðun sína. Lo Celso og Romero munu fljúga til Króatíu ásamt löndum sínum, Emiliano Martinez og Emiliano Buendia, leikmönnum Aston Villa, þar sem að þeir munu æfa til að komast hjá því að þurfa að fara í sóttkví.

Buendia og Martinez fylgdu þeim reglum sem að félagið þeirra setti áður en þeir fóru og því munu þeir að öllum líkindum ekki hljóta neina refsingu frá vinnuveitendum sínum. Sömu sögu er þó ekki að segja um Lo Celso og Romero.