Fótbolti

Elísabet sækir liðsstyrk til Vestmannaeyja

Arnar Geir Halldórsson skrifar
DB Pridham.
DB Pridham. Heimasíða Kristianstad

Markahæsti leikmaður ÍBV í Pepsi Max deild kvenna í sumar er gengin til liðs við Íslendingalið Kristianstad í sænsku úrvalsdeildinni.

Hin bandaríska Delaney Baie Pridham hefur samið við Kristianstad en þetta var staðfest á heimasíðu sænska félagsins í dag.

Delaney lék tíu leiki fyrir ÍBV í Pepsi Max deildinni í sumar og skoraði í þeim sjö mörk. Er hún markahæsti leikmaður Eyjakvenna í sumar.

Hjá Kristianstad hittir hún fyrir íslensku landsliðskonurnar Sif Atladóttir og Sveindísi Jane Jónsdóttir. Þjálfari liðsins að sjálfsögðu Elísabet Gunnarsdóttir, fyrrum þjálfari meðal annars ÍBV.

Sænski boltinn Pepsi Max-deild kvenna ÍBV

Mest lesið


Fleiri fréttir

Sjá meira


×

Mest lesið