Innlent

Leituðu við Ölfus­á vegna bak­poka sem fannst við ána

Árni Sæberg skrifar
Tilkynning um bakpokann barst Lögreglunni á Suðurlandi.
Tilkynning um bakpokann barst Lögreglunni á Suðurlandi. Vísir/Vilhelm

Vegfarandi fann bakpoka við Ölfusá, rétt ofan við Ölfusárbrú og skilaði honum inn til Lögreglunnar á Suðurlandi. Bakpokinn var þá búinn að liggja á árbakkanum í yfir klukkustund að sögn tilkynnanda. Mikið af útivistarbúnaði var í bakpokanum en ekkert sem gaf vísbendingar um hver væri eigandi hans. Þetta segir í tilkynningu frá Lögreglunni á Suðurlandi.

Lögreglan á Suðurlandi tilkynnti rétt í þessu að eigandi bakpokans væri kominn í leitirnar.  Eigandinn er erlendur ferðamaður sem skildi bakpokann eftir við ána og fékk sér langan göngutúr.

Lögreglan fékk sporhund frá Björgunarsveit Hafnarfjarðar til að fara um svæðið þar sem bakpokinn fannst, auk þess sem straumvatnsbjörgunarflokkur frá björgunarsveitinni Árborg var kallaður út til að skoða svæði neðan við Ölfusárbrú. 

Að sögn lögreglu lágu ekki fyrir frekari upplýsingar um að nokkur hafi fallið í ána, eingöngu hafi verið um varúðarráðstöfun að ræða.

Árborg Lögreglumál Björgunarsveitir Ferðamennska á Íslandi

Mest lesið


Fleiri fréttir

Sjá meira


×

Mest lesið