Innlent

Björgunarsveitir kallaðar út vegna hunds í sjálfheldu

Elísabet Inga Sigurðardóttir skrifar
Davíð var ekki með uplýsingar um hverrar tegundar hundurinn er, en ljóst er að um veiðihund er að ræða.
Davíð var ekki með uplýsingar um hverrar tegundar hundurinn er, en ljóst er að um veiðihund er að ræða. GETTY

Rétt fyrir klukkan 12 á hádegi í dag voru björgunarsveitir á Vesturlandi kallaðar út til aðstoðar við hund í sjálfheldu í Glymsgili í Hvalfirði. Hundurinn hafði hrapað fram af brúninni.

Eigendur hundsins hringdu í björgunarsveitir þegar hundurinn hrapaði og fóru nærstaddir björgunarmenn strax á vettvang.

„Okkar fólk fór á staðinn með búnað til að bjarga hundinum. Fjallabjörgunarbúnað, línur og græjur til að unnt væri að síga til hundsins, en þegar þau voru rétt ókomin þá hafði hundurinn fundið sér leið sjálfur og skilað sér til eiganda,“ sagði Davíð Már Bjarnason, upplýsingafulltrúi Slysavarnarfélagsins Landsbjargar.

Davíð segir að hundurinn sé heill á húfi en honum er ekki kunnugt um ástand hans. 

Dýr Björgunarsveitir Hvalfjarðarsveit Gæludýr

Mest lesið


Fleiri fréttir

Sjá meira


×

Mest lesið