Viðskipti innlent

Tryggingatrampólínið fékk að fjúka

Snorri Másson skrifar
Ökuvísir er nýja dæmið og trampólínið fokið út í veður og vind.
Ökuvísir er nýja dæmið og trampólínið fokið út í veður og vind. Vísir

Akandi vegfarendur misstu á dögunum mikilvæga vörðu á leiðinni út úr Reykjavík eftir Vesturlandsvegi, þegar trampólín tryggingafélagsins VÍS á húsþaki við jaðar Grafarholts var fjarlægt með húð og hári.

Trampólínið var hluti af verðlaunaðri herferð VÍS frá 2013 og kvaddi borgarbúa á leið í sveitina samviskusamlega í átta ár.Vís

Flestir kannast við trampólínið sem hefur auglýst tryggingar á húsþakinu frá 2013, með kjörorðunum um að „allt geti gerst.“ Nú er komin önnur auglýsing á húsið og hún er trampólínlaus.

Trampólínið fékk að hanga í átta ár, enda verðlaunaauglýsing á sínum tíma.

„Þetta þótti mjög vel lukkað, en það eru nokkur ár liðin núna og kominn tími á ný skilaboð,“ segir Erla Tryggvadóttir samskiptastjóri VÍS.

VÍS á ekki húsið heldur leigir það í þessu skyni af eiganda þess og hefur gert um margra ára skeið. Dvöl trampólínsins á húsinu er vel skrásett í myndbandinu að neðan.

Tryggingar Auglýsinga- og markaðsmál Reykjavík

Tengdar fréttir

Abbababb það er bíll!

Ökuferð feðginanna í nýrri auglýsingu VÍS um Ökuvísinn vekur upp tilfinningar sem ansi margir  tengja við.



Mest lesið


Fleiri fréttir

Sjá meira


×

Mest lesið