Ísak Berg­mann lagði upp í sigri og Kol­beinn spilaði allan leikinn

Tveir íslenskir landsliðsmenn voru í eldlínunni í sænska boltanum í dag. Ísak Bergmann lék allan leikinn í 3-0 sigri Norrköping á Örebro á útivelli. Ekki nóg með það heldur lagði hann upp annað mark liðsins.

Kolbeinn Sigþórsson lék einnig allan leikinn í 1-1 jafntefli Gautaborgar og Halmstad. Honum tókst ekki að setja mark sitt á leikinn en Marek Hamsik lagði upp mark Gautaborgar í leiknum.

Norrköping er í 4. sæti deildarinnar með sjö stig eftir fjóra leiki á meðan Gautaborg er í 9. sæti með fimm stig.