Geðmat ætti að liggja fyrir á allra næstu dögum

Hólmfríður Gísladóttir skrifar 6. apríl 2021 10:37

Ákvörðun um örlög hundsins verður tekin í kjölfar geðmatsins.

Niðurstöður úr geðmati á hundi sem beit konu í andlitið á skemmtistaðnum Röntgen í mars síðastliðnum munu liggja fyrir á allra næstu dögum, samkvæmt hundaeftirlitsmanni Reykjavíkurborgar.

Þangað til er óvíst hvort hundinum verður lógað.

Atvikið átti sér stað á föstudagskvöldi, rétt fyrir lokun. Í kjölfar þess sagði eigandi staðarins að í skoðun væri að setja takmörk á það hversu seint fólk mætti koma með hunda inn á staðinn.

„Persónulega finnst mér hundar ekkert eiga heima innan um sauðdrukkið fólk,“ sagði Hallgerður Hauksdóttir, formaður Dýraverndarsambands Íslands, í samtali við Reykjavík síðdegis á Bylgjunni en hún sagði hundinn augljóslega hafa verið óöruggan.

Þá skammaði hún fjölmiðla fyrir að slá því upp að um væri að ræða Rottweiler.

Hallgerður sagði erfitt að segja um það hvort atvikið gerði hundinn líklegan til að bíta aftur en sagðist telja það meðal annars ráðast af því hvort hann yrði settur aftur í svipaðar aðstæður.

„„Bit er síðasta varnarviðbragð, hann er búinn að gefa öll merki um að hann þurfi meira rými og minna áreiti. Og ég hef séð myndir af þessum hundi frá þessu kvöldi og hann var hræddur þarna. Og hann var að reyna að sýna það með ýmsum merkjum,“ sagði Hallgerður.

Dýr Gæludýr Dýraheilbrigði

Tengdar fréttir

Hundurinn sem beit stúlkuna mun gangast undir geðmat

Rottweiler-hundurinn sem beit unga konu í andlitið á skemmtistaðnum Röntgen síðastliðið föstudagskvöld mun gangast undir geðmat hjá dýralækni eða hundaatferlisfræðingi. Þetta segir Helgi Helgason, hundaeftirlitsmaður hjá Reykjavíkurborg, í samtali við Vísi.

24. mars 2021 22:00

„Persónulega finnst mér hundar ekkert eiga heima innan um sauðdrukkið fólk“

Þær aðstæður sem hundurinn sem beit stúlku á Röntgen á föstudag voru ekki boðlegar, segir Hallgerður Hauksdóttir, formaður Dýraverndarsambands Íslands. Hún segir hundinn hafa verið hræddan og það sé æsifréttamennska að slá tegundinni upp.

23. mars 2021 18:34

Óvíst hvort hundinum sem beit stúlkuna verði lógað

Helgi Helgason hundaeftirlitsmaður segir ekki meitlað í stein að Rottweiler-hundi, sem beit stúlku í andlitið á barnum Röntgen við Hverfisgötu, verði lógað. Lögreglumaður segir að hundurinn verði hugsanlega settur í geðmat.

23. mars 2021 14:01

„Þetta er náttúrlega ekki stelpunni eða hundinum að kenna“

Eigandi skemmtistaðarins Röntgen við Hverfisgötu segir að aðstæður þar sem eru há tónlist og ölvun séu ekki heppilegar fyrir hunda. Í kjölfar atviks sem upp kom á föstudagskvöldið er nú til skoðunar að setja því takmörk hversu lengi fram á kvöld verður leyfilegt að taka hunda með sér inn á staðinn.

21. mars 2021 17:20

Endurskoða hvort hundar verði áfram velkomnir eftir að stúlka var bitin í andlitið

Til skoðunar er hvort hætta eigi að bjóða hunda velkomna á skemmtistaðinn Röntgen við Hverfisgötu eftir að ung stúlka var bitin í andlitið af Rottweiler-hundi á staðnum á föstudagskvöldið.

21. mars 2021 10:01