Lang­holts­skóli sigur­vegari Skrekks

Vegna kórónuveirufaraldursins frestaðist úrslitakvöld keppninnar 2020 þar til nú og er Langholtsskóli því sigurvegari Skrekks 2020. 

Siguratriðið bar nafnið Boðorðin 10 og fjallaði um óskrifuðu reglurnar sem unglingar eiga oft að fylgja. Unglingum finnst þær oft segja of mikið til um það hvernig þeir eigi að vera og haga sér og því fylgi oft mikið álag.

Skrekkur er árleg hæfileikakeppni fyrir grunnskólanemendur í Reykjavík, en allir grunnskólar með unglingadeild geta sent eitt atriði í keppnina.

Fyrirkomulag keppninnar í ár var þannig að nítján skólar kepptu á þremur undanúrslitakvöldum í Borgarleikhúsi, en átt skólar kepptu í úrslitum sem fóru svo fram í kvöld. Sýnt var frá keppninni á RÚV og er hægt að sjá atriði Langholtsskóla hér.