Bröns Beat Dóru Júlíu dúndur byrjun á helginni

„Mimósur, bröns og DJ er uppskrift að ansi góðum laugardegi. Hver elskar ekki góðan bröns?“ segir plötusnúðurinn Dóra Júlía Agnarsdóttir sem gerir allt vitlaust í hádeginu á laugardögum á veitingastaðnum Sjálandi á hinum svokallaða „Bröns Beat“!

„Bröns Beat er góður matur, „groovy“ tónlist og frábærar „víbrur“ sameinaðar í eitt,“ segir hún. „Við höfum verið með þennan viðburð í gangi annan hvern laugardag undanfarna mánuði. Það hefur gengið ótrúlega vel og verið svo skemmtilegt, mjög góð leið til þess að hrista upp í hversdagsleikanum og gera sér glaðan dag með fólkinu sínu,“ segir Dóra og bætir við að stemmingin á Sjálandi sé engu lík á þessum skrítnu tímum í samfélaginu.

„Sjáland er bara svo ótrúlega skemmtilegur staður. Starfsfólkið er svo mikið topp lið, þvílíkt fagfólk, viðskiptavinirnir frábærir og andinn ótrúlega góður. Ég er svo þakklát að hafa fengið að vera með í að skapa eitthvað skemmtilegt á krefjandi tímum, búa til góðar „víbrur“. Giggin á Sjálandi hafa verið mikill hápunktur vikunnar hjá mér, viku eftir viku og ég hlakka ótrúlega mikið til sumarsins á Sjálandi. Síðasta sumar var svo skemmtilegt og við vonum auðvitað að sólin leyfi sér að skína skært! Annars komum við líka alltaf með sólskinið til ykkar,“ segir Dóra og lofar því að afar spennandi tímar séu framundan á Sjálandinu og ýmsir skemmtilegir viðburðir í bígerð.

En hvað finnst henni best að borða? „Ég elska svo ótrúlega margt á matseðlinum að það er erfitt að velja. Pizzurnar eru náttúrulega bestu pizzur sem finnast og bæði humarpizzan og sveppapizzan í miklu uppáhaldi. Í brönsinum er silungurinn algjört möst og gulrótakakan toppar allt,“ segir Dóra.

Michelin-taktar í eldhúsinu

Það er ekkert skrítið að maturinn sé góður á Sjálandi. Matreiðslumeistarinn Víðir Erlingsson kokkar ofan í gesti en hann hefur meðal annars kokkað á tveggja stjörnu Michelin staðnum Koks í Færeyjum, á Reykjavík Meat, Bláa Lóninu, Sjávargrillinu og á Argentínu steikhúsi þar sem hann lærði alla sína helstu takta.

„Mín sérgrein í eldhúsinu mundi ég telja vera yfirvegun og að ég er fljótur að aðlagast nýjum aðstæðum,“ segir Víðir á léttu nótunum. „Mér finnst reyndar langskemmtilegast að elda eitthvað sem ég hef skotið sjálfur eða týnt. Til dæmis rjúpur, villisveppir og villt ber ásamt grænmeti sem konan mín ræktar. Ég hef líka mjög gaman af því að gerja allan fjandann og sjá hvernig útkoman verður,“ segir hann en einn vinsælasti rétturinn á matseðlinum inniheldur einmitt gerjaðan hvítlauk.

„Grænkáls pizzan með sojasveppum og gerjuðum hvítlauk er virkilega góð að mínu mati en vinsælasti rétturinn hjá okkur myndi ég segja að sé rauðrófu forrétturinn með foie gras og fíkjum,“ segir Víðir. Uppáhaldsmatinn hans sjálfs er reyndar ekki að finna á matseðlinum, heldur í eldhúsinu hjá tengdamóður hans! „Jólamaturinn hjá tengdó er uppáhaldsmaturinn minn, léttsaltaður og reyktur lambahryggur með gráðostasósu og tilheyrandi,“ segir Víðir og viðurkennir að honum leiðist ekki að borða kjöt. „Þegar ég við gera sérstaklega vel við mig kveiki ég upp í kolagrillinu og hendi góðri nautasteik frá Kjötkompaníinu á grillið,“ segir Víðir.

Kökteilkvöld og Matur & Veisla framundan

Framundan er margt spennandi og skemmtilegt á Sjálandi. Annan hvern fimmtudag verða til dæmis kokteilkvöld þar sem sérstakir gestabarþjónar hrista drykki ofan í gesti og Dóra sér um tónlistin. Alla fimmudaga þeyta plötusnúðar skífum. Þá er að fara í gang tónleikaröð á miðvikudögum undir heitinu Matur & Veisla í anda „Dinner & Show“ sem er meðal annars þekkt í New York og Las Vegas. Í apríl verður Pétur Jóhann með uppistand og þá verður fjöldi spennandi viðburða og nýjunga á útisvæðinu í sumar. 

Til þess að missa ekki af neinu er best að fylgjast með á Facebook þar sem viðburðir verða kynntir nánar. Miðasala opnar í vikunni.

Hér er síðan hægt að kynna sér girnilegan matseðil Sjálands.