Hringurinn þrengist: Fingraför krónprinsins á vélunum sem fluttu morðingjana Hólmfríður Gísladóttir skrifar 24. febrúar 2021 23:33 Bandaríska leyniþjónustan og rannsakandi Sameinuðu þjóðanna segja nær víst að krónprinsinn hafi átt hlut að máli. epa Tvær einkaþotur sem morðingjar blaðamannsins Jamal Khashoggi notuðu til að komast aftur til Riyadh voru í eigu félags sem Mohammed bin Salman, krónprins Sádi Arabíu, yfirtók aðeins ári áður. Þetta kemur fram í leynilegum skjölum sem voru lögð fram í tengslum við dómsmál í Kanada en þau þykja renna stöðum undir þá kenningu að krónprinsinn, jafnan kallaður MBS, hafi fyrirskipað morðið á blaðamanninum, sem var afar gagnrýninn á stjórnvöld. Það er ráðherra í ríkisstjórn Sádi Arabíu sem skrifar undir pappírana, þar sem hann biðlar til ónefnds aðila að gera nauðsynlegar ráðstafanir að fyrirmælum krónprinsins. Samkvæmt skjölunum vildi MBS taka yfir Sky Prime Aviation, með því að láta flytja eignarhald fyrirtækisins undir fjárfestingasjóð ríkisins síðla árs 2017. Eins og fyrr segir voru tvær vélar félagsins notaðar til að flytja morðingja Khashoggi heim í október 2018. Khashoggi, sem meðal annars starfaði fyrir Washington Post, er sagður hafa verið pyntaður og limlestur af morðingjum sínum.epa/Erdem Sahin Birta mögulega skýrslu um morðið á morgun Umræddur fjárfestingasjóður er metinn á um 400 milljarða dala en stjórnarformaður hans er krónprinsinn sjálfur. Fyrrnefnd gögn voru lögð fram af félögum í eigu sádiarabíska ríkisins í spillingarmáli gegn háttsettum embættismanni innan leyniþjónustunnar, Saad Aljabri. Félögin höfðuðu málið á hendur Aljabri eftir að hann sakaði krónprinsinn um að hafa sent aftökusveit til að myrða sig í Kanada, aðeins nokkrum dögum eftir að Khashoggi var ráðinn af dögum. MBS hefur neitað því að hafa fyrirskipað morðið en sagst vera ábyrgur að hluta. Átta menn voru fangelsaðir í tengslum við morðið á blaðamanninum en sérlegur rannsakandi Sameinuðu þjóðanna sagði réttarhöldin og dómana hlægilega. Bandarísk yfirvöld hyggjast birta skýrslu um morðið á næstu dögum, mögulega strax á morgun, en bandaríska leyniþjónustan CIA komst að þeirri niðurstöðu að krónprinsinn hefði að öllum líkindum fyrirskipað morðið. Þá sagði rannsakandi Sameinuðu þjóðanna óhugsandi að MBS hefði ekki vitað af aftökunni. Fjölmiðlafulltrúi Joe Biden sagði í síðustu viku að forsetinn hygðist „endurskoða“ samskipti Bandaríkjanna og Sádi Arabíu og eiga í samskiptum við konunginn Salman bin Abdulaziz Al-Saud í stað sonar hans. Bandaríkjaforseti er sagður ætla að sniðganga krónprinsinn og eiga samskipti við konunginn.epa/Toru Hanai Stoppuðu stutt, fluttu böðlana heim CNN hefur eftir lögmanni unnustu Khashoggi að uppljóstanirnar um flugvélarnar hafi komið henni ánægjulega á óvart. Hún hefur barist ötullega fyrir réttlæti til handa ástinni sinni. Vélar Sky Prime Aviaton flugu með stærstan hluta hinar fimmtán manna aftökusveitar til og frá Istanbul, þar sem Khashoggi var myrtur. Eftir að þeir höfðu lokið verki sínu lá leiðin beint út á flugvöll. Önnur vélin, með númerið HZ-SK1, lenti seinni part dags og var komin aftur í loftið rúmri klukkustund síðar með sex sveitarmenn innanborðs. Fjórum og hálfum klukkutímum síðar tók hin vélin á loft, undir númerinu HZ-SK2, með sjö sveitarmenn innanborðs. Fyrri vélin flaug til Riyadh með viðkomu í Kaíró en hin millilenti í Dubai. Tveir ferðuðust á almennu farrými frá Istanbul og heim. Samkvæmt skjölunum var Sky Prime Aviation ekki eina félagið sem flutt var undir fjárfestingasjóð sádiarabísku konungsfjölskyldunnar en þau voru nítján talsins. Krónprinsinn var svo áhugasamur um yfirtökuna að hann bað sérstaklega um að vera upplýstur um gang mála, samkvæmt ráðherranum sem skrifaði undir pappírana. CNN fjallar ítarlega um málið. Morðið á Khashoggi Tyrkland Sádi-Arabía Bandaríkin Kanada Fjölmiðlar Mest lesið Kröfur kvennaárs komnar í innheimtu og gjalddaginn fallinn Innlent Leggur viðskiptaþvinganir á rússneska olíurisa Erlent Stöðugleiki norðlægrar hringrásar skammgóður vermir fyrir Ísland Innlent Segir tilvalin íbúðasvæði opnast með Sundabraut Innlent Næstum öllum sagt upp hjá dótturfélagi Play Innlent Niðurrif hafið á gamla Morgunblaðshúsinu Innlent Fasteignamarkaðurinn „kaupendamarkaður“ að mati fasteignasala Viðskipti innlent „Ég skoðanakúgaði sjálfa mig í þágu friðar og þæginda félagslega“ Innlent Klukkustunda bið eftir dekkjaskiptum í vetrarparadísinni Veður Mikill hiti í síðustu kappræðunum fyrir kosningar Erlent Fleiri fréttir Mikill hiti í síðustu kappræðunum fyrir kosningar Leggur viðskiptaþvinganir á rússneska olíurisa Hafa drepið 34 í árásum á meinta smyglara Myndavélar sneru í ranga átt er gripunum var stolið Rannsaka jákvæð áhrif covid-bóluefnis á krabbameinssjúklinga Gerðu árás á leikskóla í Karkív Hegseth bannar nú samskipti við þingið Trump gæti veitt sjálfum sér tugi milljarða í bætur frá eigin stjórn Vísindamenn segja mikilvægt að vanda valið á þunglyndislyfjum Sextíu og þrír látnir eftir umferðarslys í Úganda Gerðu árás á rússneska efnaverksmiðju í Bryansk Óttast að senda hermenn til Gasa Rífa hluta Hvíta hússins fyrir veislusal Trumps Ólíklegt að Trump og Pútín muni funda í bráð Serbneskur stríðsglæpamaður farinn yfir móðuna miklu 21 árs fangelsi fyrir banatilræðið gegn Fico Gagnrýndur fyrir ummæli um ógn af hálfu innflytjenda Refsidómi Diddy verði áfrýjað Fyrsta konan til að verða forsætisráðherra Japans Selja neyðargetnaðarvörn sem lausasölulyf í fyrsta skipti Opnar á að útvista loftslagsmarkmiðum Evrópu enn frekar Neitar enn að hleypa nýrri þingkonu að Enginn arftaki í augsýn hjá Xi Hafna aftur tillögu Trumps Frekari uppljóstranir vekja reiði og áköll um viðbrögð Fá heimild til að skjóta niður dróna yfir herstöðvum Tuttugu ára stjórn sósíalista í Bólivíu á enda Trump sagður hafa þrýst á Selenskí að gefa eftir land Segir vopnahlé enn í gildi á Gasa Komust á brott með átta ómetanlega skartgripi Sjá meira
Þetta kemur fram í leynilegum skjölum sem voru lögð fram í tengslum við dómsmál í Kanada en þau þykja renna stöðum undir þá kenningu að krónprinsinn, jafnan kallaður MBS, hafi fyrirskipað morðið á blaðamanninum, sem var afar gagnrýninn á stjórnvöld. Það er ráðherra í ríkisstjórn Sádi Arabíu sem skrifar undir pappírana, þar sem hann biðlar til ónefnds aðila að gera nauðsynlegar ráðstafanir að fyrirmælum krónprinsins. Samkvæmt skjölunum vildi MBS taka yfir Sky Prime Aviation, með því að láta flytja eignarhald fyrirtækisins undir fjárfestingasjóð ríkisins síðla árs 2017. Eins og fyrr segir voru tvær vélar félagsins notaðar til að flytja morðingja Khashoggi heim í október 2018. Khashoggi, sem meðal annars starfaði fyrir Washington Post, er sagður hafa verið pyntaður og limlestur af morðingjum sínum.epa/Erdem Sahin Birta mögulega skýrslu um morðið á morgun Umræddur fjárfestingasjóður er metinn á um 400 milljarða dala en stjórnarformaður hans er krónprinsinn sjálfur. Fyrrnefnd gögn voru lögð fram af félögum í eigu sádiarabíska ríkisins í spillingarmáli gegn háttsettum embættismanni innan leyniþjónustunnar, Saad Aljabri. Félögin höfðuðu málið á hendur Aljabri eftir að hann sakaði krónprinsinn um að hafa sent aftökusveit til að myrða sig í Kanada, aðeins nokkrum dögum eftir að Khashoggi var ráðinn af dögum. MBS hefur neitað því að hafa fyrirskipað morðið en sagst vera ábyrgur að hluta. Átta menn voru fangelsaðir í tengslum við morðið á blaðamanninum en sérlegur rannsakandi Sameinuðu þjóðanna sagði réttarhöldin og dómana hlægilega. Bandarísk yfirvöld hyggjast birta skýrslu um morðið á næstu dögum, mögulega strax á morgun, en bandaríska leyniþjónustan CIA komst að þeirri niðurstöðu að krónprinsinn hefði að öllum líkindum fyrirskipað morðið. Þá sagði rannsakandi Sameinuðu þjóðanna óhugsandi að MBS hefði ekki vitað af aftökunni. Fjölmiðlafulltrúi Joe Biden sagði í síðustu viku að forsetinn hygðist „endurskoða“ samskipti Bandaríkjanna og Sádi Arabíu og eiga í samskiptum við konunginn Salman bin Abdulaziz Al-Saud í stað sonar hans. Bandaríkjaforseti er sagður ætla að sniðganga krónprinsinn og eiga samskipti við konunginn.epa/Toru Hanai Stoppuðu stutt, fluttu böðlana heim CNN hefur eftir lögmanni unnustu Khashoggi að uppljóstanirnar um flugvélarnar hafi komið henni ánægjulega á óvart. Hún hefur barist ötullega fyrir réttlæti til handa ástinni sinni. Vélar Sky Prime Aviaton flugu með stærstan hluta hinar fimmtán manna aftökusveitar til og frá Istanbul, þar sem Khashoggi var myrtur. Eftir að þeir höfðu lokið verki sínu lá leiðin beint út á flugvöll. Önnur vélin, með númerið HZ-SK1, lenti seinni part dags og var komin aftur í loftið rúmri klukkustund síðar með sex sveitarmenn innanborðs. Fjórum og hálfum klukkutímum síðar tók hin vélin á loft, undir númerinu HZ-SK2, með sjö sveitarmenn innanborðs. Fyrri vélin flaug til Riyadh með viðkomu í Kaíró en hin millilenti í Dubai. Tveir ferðuðust á almennu farrými frá Istanbul og heim. Samkvæmt skjölunum var Sky Prime Aviation ekki eina félagið sem flutt var undir fjárfestingasjóð sádiarabísku konungsfjölskyldunnar en þau voru nítján talsins. Krónprinsinn var svo áhugasamur um yfirtökuna að hann bað sérstaklega um að vera upplýstur um gang mála, samkvæmt ráðherranum sem skrifaði undir pappírana. CNN fjallar ítarlega um málið.
Morðið á Khashoggi Tyrkland Sádi-Arabía Bandaríkin Kanada Fjölmiðlar Mest lesið Kröfur kvennaárs komnar í innheimtu og gjalddaginn fallinn Innlent Leggur viðskiptaþvinganir á rússneska olíurisa Erlent Stöðugleiki norðlægrar hringrásar skammgóður vermir fyrir Ísland Innlent Segir tilvalin íbúðasvæði opnast með Sundabraut Innlent Næstum öllum sagt upp hjá dótturfélagi Play Innlent Niðurrif hafið á gamla Morgunblaðshúsinu Innlent Fasteignamarkaðurinn „kaupendamarkaður“ að mati fasteignasala Viðskipti innlent „Ég skoðanakúgaði sjálfa mig í þágu friðar og þæginda félagslega“ Innlent Klukkustunda bið eftir dekkjaskiptum í vetrarparadísinni Veður Mikill hiti í síðustu kappræðunum fyrir kosningar Erlent Fleiri fréttir Mikill hiti í síðustu kappræðunum fyrir kosningar Leggur viðskiptaþvinganir á rússneska olíurisa Hafa drepið 34 í árásum á meinta smyglara Myndavélar sneru í ranga átt er gripunum var stolið Rannsaka jákvæð áhrif covid-bóluefnis á krabbameinssjúklinga Gerðu árás á leikskóla í Karkív Hegseth bannar nú samskipti við þingið Trump gæti veitt sjálfum sér tugi milljarða í bætur frá eigin stjórn Vísindamenn segja mikilvægt að vanda valið á þunglyndislyfjum Sextíu og þrír látnir eftir umferðarslys í Úganda Gerðu árás á rússneska efnaverksmiðju í Bryansk Óttast að senda hermenn til Gasa Rífa hluta Hvíta hússins fyrir veislusal Trumps Ólíklegt að Trump og Pútín muni funda í bráð Serbneskur stríðsglæpamaður farinn yfir móðuna miklu 21 árs fangelsi fyrir banatilræðið gegn Fico Gagnrýndur fyrir ummæli um ógn af hálfu innflytjenda Refsidómi Diddy verði áfrýjað Fyrsta konan til að verða forsætisráðherra Japans Selja neyðargetnaðarvörn sem lausasölulyf í fyrsta skipti Opnar á að útvista loftslagsmarkmiðum Evrópu enn frekar Neitar enn að hleypa nýrri þingkonu að Enginn arftaki í augsýn hjá Xi Hafna aftur tillögu Trumps Frekari uppljóstranir vekja reiði og áköll um viðbrögð Fá heimild til að skjóta niður dróna yfir herstöðvum Tuttugu ára stjórn sósíalista í Bólivíu á enda Trump sagður hafa þrýst á Selenskí að gefa eftir land Segir vopnahlé enn í gildi á Gasa Komust á brott með átta ómetanlega skartgripi Sjá meira