Hildur Vala og Jón Ólafs eiga von á fjórða barninu

„Ævintýrin gerast enn! Þessi þrjú eru mjög spennt fyrir litlu systkini í sumar og það ríkir mikil gleði og hamingja hér á bæ,“ skrifar Hildur Vala í færslunni og birtir með mynd af þremur börnum hennar og Jóns; þeim Jökli, Kára Kolbeini og Þórhildi Júlíu.  

Jón, sem er 58 ára, og Hildur Vala, sem er 39 ára, byrjuðu saman skömmu eftir Idol stjörnuleit árið 2005, hvar sú síðarnefnda bar sigur úr býtum. Líkt og áður segir eiga þau saman þrjú börn en fyrir á Jón tvær uppkomnar dætur úr fyrra sambandi.