Handbolti

Frakkar unnu stórleikinn örugglega | Þægilegt hjá Svíum

Arnar Geir Halldórsson skrifar
Tíu mörk Sander Sagosen dugðu skammt gegn Frökkum.
Tíu mörk Sander Sagosen dugðu skammt gegn Frökkum. vísir/getty

Frakkar höfðu betur gegn Norðmönnum í stórleik dagsins á HM í handbolta sem fram fer í Egyptalandi þessa dagana.

Um er að ræða tvö af sigurstranglegustu liðum mótsins og reyndist jafnræði með liðunum framan af. Staðan í leikhléi jöfn 13-13.

Í síðari hálfleik voru Frakkarnir mun öflugri og fór að lokum svo að þeir unnu öruggan fjögurra marka sigur, 24-28.

Kentin Mahe var markahæstur í liði Frakka með níu mörk en Norðmaðurinn Sander Sagosen skoraði flest mörk allra, alls tíu mörk.

Á sama tíma áttu Svíar ekki í neinum vandræðum með Norður-Makedóníu og unnu öruggan tólf marka sigur, 32-20 þar sem Hampus Wanne fór mikinn í liði Svía og gerði ellefu mörk.

HM 2021 í handbolta

Mest lesið


Fleiri fréttir

Sjá meira


×

Mest lesið