Úr háum snúningi ferðaþjónustunnar yfir í lágan snúning skíðalyftunnar Tryggvi Páll Tryggvason skrifar 28. desember 2020 13:00 Margar hendur vinna létt verk Mynd/Anton Freyr Birgisson Það styttist óðum í að hægt verði að fara aftur á skíði á skíðasvæðinu við Kröflu eftir margra ára hlé, þökk sé sjálfboðaliðum sem vilja ólmir komast á skíði í sveitinni. Í Mývatnssveit hafa menn nýtt tímann afskaplega vel í kórónuveirufaraldrinum til þess að koma skíðalyftunni sem staðsett er skammt frá Kröfluvirkjun aftur í gagnið. Lyftan var fyrst tekin í notkun árið 2001. „Hún fékkst gefins þessi lyfta og bjartsýnismenn töldu að það væri snjallt að koma henni hérna fyrir og hún var gangsett og vígð 2001 þannig að á næsta ári eru 20 ára afmæli lyftunnar,“ segir Héðinn Björnsson, einn af þeim fjölmörgu sjálfboðaliðum sem komið hafa að því undanfarna mánuði að koma lyftunni aftur af stað. „2015 er síðasta skoðun sem hún fær og hún hefur lítið verið gangsett eftir það, aðeins. Við ákváðum að nota tækifærið núna, það er tími. Það er Covid og menn hafa tíma í þetta og að reyna að koma þessu í gang aftur,“ segir Héðinn. Undir þetta tekur Anton Freyr Birgisson, sem ásamt Héðni hefur haft veg og að vanda að því að koma lyftunni aftur af stað. Það hefur verið nóg að gera í ferðaþjónustunni í Mývatnssveit undanfarin ár, og því lítill tími fyrir gæluverkefni á borð við þetta, þangað til nú. „Við búum hérna í ferðaþjónustusamfélagi og erum búnir að vera á svolitlum háum snúningi, ég vinn sem leiðsögumaður, hann sem kokkur og svo framvegis. Nú höfum við tíma, það er ótrúlegur hópur af sjálfboðaliðum sem hefur verið hérna,“ segir Anton. Allir hjálpa til, meira að segja lyftuframleiðandinn Þeir segja alla í sveitinni boðna og búna til þess að gera sitt til þess að koma lyftunni aftur af stað. „Þetta eru bara foreldrar, þetta er fólk sem á sér þann draum að sjá þetta koma saman. Stuðningurinn sem við höfum fengið við þetta er gríðarlegur. Við höfum ekki peninga til að gera mikið en við höfum tíma, við höfum nágranna okkar í Kröflu sem eru búnir að leggja mikinn tíma og metnað í að koma þessu saman, alls konar sérfræðingar sem að að hjálpa til. Anton Freyr Birgisson, til vinstri, og Héðinn Björnsson til hægri, fara fyrir vaskri sveit heimamanna sem eru að gera lyftuna góðu upp.Vísir/Tryggvi Allir, fyrirtæki sem hafa ekki úr miklu að moða í augnablikinu eru samt sem áður að leggja okkur til mikinn stuðning og hjálp, öðruvísi væri þetta náttúrulega aldrei hægt,“ segir Héðinn. Vinnan hefur staðið yfir í nokkra mánuði með aðstoð franska lyftuframleiðendans Poma, sem virðist hafa þó nokkurn áhuga á verkefninu, auk þess sem að Vinnueftirlitið hefur veitt heimamönnum ráðgjöf þegar á þurft hefur að halda. „Ætli það séu ekki að vera komnir hérna vel á sjötta hundrað klukkutíma sem er búið að vera að dunda hérna kvöld og helgar síðan í haust. Þetta er allt að koma, þetta er allt að verða klárt,“ segir Anton. Styttist í stóru stundina Það styttist í að hægt verði að renna sér aftur á skíðasvæðinu við Kröflu. „Við ætlum að ræsa þessa lyftu með pomp og prakt á næsta ári, þá verður tuttugu ára afmæli. Það verður vonandi í janúar eða febrúar,“ segir Héðinn. Hvað skíðasvæði varðar er þessi staðsetning ekki amaleg.Mynd/Anton Freyr Birgisson Að lokum liggur beinast við að spyrja hvað það er sem drífur þá áfram í að koma hátt í 40 ára gamalli lyftu aftur af stað? „Við höfum valið okkur að búa á jafn frábærum stað og Mývatnssveit. Partur af því er að styðja samfélagið og hafa eitthvað fyrir börnin að gera. Mér finnst bara gaman að fara á skíði og mig langar til þess að hafa skíðalyftu í bakgarðinum, þá þarftu að smíða skíðalyftu, það gefur auga leið,“ segir Anton hlæjandi. „Og reyna að koma í gang smá starfi þannig að við getum haft krakkana okkar á skíðum og kennt á skíði og halda uppi smá arfleifð sem við tókum við hérna frá snillingum sem settu þetta upp á sínum tíma,“ bætir Héðinn við. Skíðasvæði Skútustaðahreppur Ferðamennska á Íslandi Mest lesið Mjög gjarnan kölluð nasisti og fasisti Innlent Barn á óskoðuðum bíl á 151 kílómetra hraða Innlent Páskaeggjaframleiðandi fagnar gagnrýni á málshætti Innlent Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent Vildi „tagga“ Frans páfa en niðurstaðan reyndist slysaleg Innlent Drottningin lögð inn vegna veikinda Erlent Valdatafl í Vatíkaninu: Hver verður næsti páfi? Erlent Sagður bjóða frið fyrir formlega eign á Krímskaga Erlent „Skrítið og óeðlilegt“ að Ísrael fái að vera með í Eurovision Innlent Gallar í nýbyggingum: Eigendur nýrra íbúða eigi ríkari rétt Innlent Fleiri fréttir „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Sjá meira
Í Mývatnssveit hafa menn nýtt tímann afskaplega vel í kórónuveirufaraldrinum til þess að koma skíðalyftunni sem staðsett er skammt frá Kröfluvirkjun aftur í gagnið. Lyftan var fyrst tekin í notkun árið 2001. „Hún fékkst gefins þessi lyfta og bjartsýnismenn töldu að það væri snjallt að koma henni hérna fyrir og hún var gangsett og vígð 2001 þannig að á næsta ári eru 20 ára afmæli lyftunnar,“ segir Héðinn Björnsson, einn af þeim fjölmörgu sjálfboðaliðum sem komið hafa að því undanfarna mánuði að koma lyftunni aftur af stað. „2015 er síðasta skoðun sem hún fær og hún hefur lítið verið gangsett eftir það, aðeins. Við ákváðum að nota tækifærið núna, það er tími. Það er Covid og menn hafa tíma í þetta og að reyna að koma þessu í gang aftur,“ segir Héðinn. Undir þetta tekur Anton Freyr Birgisson, sem ásamt Héðni hefur haft veg og að vanda að því að koma lyftunni aftur af stað. Það hefur verið nóg að gera í ferðaþjónustunni í Mývatnssveit undanfarin ár, og því lítill tími fyrir gæluverkefni á borð við þetta, þangað til nú. „Við búum hérna í ferðaþjónustusamfélagi og erum búnir að vera á svolitlum háum snúningi, ég vinn sem leiðsögumaður, hann sem kokkur og svo framvegis. Nú höfum við tíma, það er ótrúlegur hópur af sjálfboðaliðum sem hefur verið hérna,“ segir Anton. Allir hjálpa til, meira að segja lyftuframleiðandinn Þeir segja alla í sveitinni boðna og búna til þess að gera sitt til þess að koma lyftunni aftur af stað. „Þetta eru bara foreldrar, þetta er fólk sem á sér þann draum að sjá þetta koma saman. Stuðningurinn sem við höfum fengið við þetta er gríðarlegur. Við höfum ekki peninga til að gera mikið en við höfum tíma, við höfum nágranna okkar í Kröflu sem eru búnir að leggja mikinn tíma og metnað í að koma þessu saman, alls konar sérfræðingar sem að að hjálpa til. Anton Freyr Birgisson, til vinstri, og Héðinn Björnsson til hægri, fara fyrir vaskri sveit heimamanna sem eru að gera lyftuna góðu upp.Vísir/Tryggvi Allir, fyrirtæki sem hafa ekki úr miklu að moða í augnablikinu eru samt sem áður að leggja okkur til mikinn stuðning og hjálp, öðruvísi væri þetta náttúrulega aldrei hægt,“ segir Héðinn. Vinnan hefur staðið yfir í nokkra mánuði með aðstoð franska lyftuframleiðendans Poma, sem virðist hafa þó nokkurn áhuga á verkefninu, auk þess sem að Vinnueftirlitið hefur veitt heimamönnum ráðgjöf þegar á þurft hefur að halda. „Ætli það séu ekki að vera komnir hérna vel á sjötta hundrað klukkutíma sem er búið að vera að dunda hérna kvöld og helgar síðan í haust. Þetta er allt að koma, þetta er allt að verða klárt,“ segir Anton. Styttist í stóru stundina Það styttist í að hægt verði að renna sér aftur á skíðasvæðinu við Kröflu. „Við ætlum að ræsa þessa lyftu með pomp og prakt á næsta ári, þá verður tuttugu ára afmæli. Það verður vonandi í janúar eða febrúar,“ segir Héðinn. Hvað skíðasvæði varðar er þessi staðsetning ekki amaleg.Mynd/Anton Freyr Birgisson Að lokum liggur beinast við að spyrja hvað það er sem drífur þá áfram í að koma hátt í 40 ára gamalli lyftu aftur af stað? „Við höfum valið okkur að búa á jafn frábærum stað og Mývatnssveit. Partur af því er að styðja samfélagið og hafa eitthvað fyrir börnin að gera. Mér finnst bara gaman að fara á skíði og mig langar til þess að hafa skíðalyftu í bakgarðinum, þá þarftu að smíða skíðalyftu, það gefur auga leið,“ segir Anton hlæjandi. „Og reyna að koma í gang smá starfi þannig að við getum haft krakkana okkar á skíðum og kennt á skíði og halda uppi smá arfleifð sem við tókum við hérna frá snillingum sem settu þetta upp á sínum tíma,“ bætir Héðinn við.
Skíðasvæði Skútustaðahreppur Ferðamennska á Íslandi Mest lesið Mjög gjarnan kölluð nasisti og fasisti Innlent Barn á óskoðuðum bíl á 151 kílómetra hraða Innlent Páskaeggjaframleiðandi fagnar gagnrýni á málshætti Innlent Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent Vildi „tagga“ Frans páfa en niðurstaðan reyndist slysaleg Innlent Drottningin lögð inn vegna veikinda Erlent Valdatafl í Vatíkaninu: Hver verður næsti páfi? Erlent Sagður bjóða frið fyrir formlega eign á Krímskaga Erlent „Skrítið og óeðlilegt“ að Ísrael fái að vera með í Eurovision Innlent Gallar í nýbyggingum: Eigendur nýrra íbúða eigi ríkari rétt Innlent Fleiri fréttir „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Sjá meira
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent