Listinn yfir það sem Katrín Tanja elskaði að gera á svakalegu ári

Katrín Tanja Davíðsdóttir fór mikinn innan sem utan CrossFit salarins á árinu 2020. Hún, sem ein stærsta stjarnan í CrossFit heiminum, tók þátt í því að þvinga fram breytingar í forystusveit CrossFit-samtakanna með því að opinbera harða andstöðu sína við það sem var í gangi í fílabeinsturni CrossFit samtakanna.

Útlitið var ekki bjart með heimsleikana um tíma þegar Katín Tanja hótaði því að taka ekki þátt í heimsleikunum undir þáverandi eiganda Greg Glassman.

Eftir mjög erfiðan tíma í CrossFit heiminum urðu eigandaskipti og algjör umbreyting á öllum anda og vinnuumhverfi hjá samtökunum. Katrín Tanja og allur CrossFit heimurinn gat andað léttar.

Kórónuveiran kallaði líka fram breytingar og Katrín Tanja fékk auka mánuði til að vinna sig til baka úr meiðslunum.

Hún nýtti sér þennan tíma frábærlega og kom sér aftur í frábært form. Hún sannaði það síðan með frábærri endurkomu í fyrri hluta úrslita heimsleikanna og svo aftur með því að tryggja sér silfrið á heimsleikunum.

Katrín Tanja hefur eytt síðustu vikum heima á Íslandi og setti í gær saman lista yfir tíu atriði sem hún elskaði að gera á þessu svakalega ári.

Við höfum íslenskað listann eins og sjá má hér fyrir neðan en eins og Katrín orðar það sjálf: „Þegar ég horfi til baka á árið 2020 þá voru þetta hlutirnir sem ég hafði mest gaman af.“

Vinkona Katrínar Tönju, Anníe Mist Þórisdóttir, var fljót að tjá um færslu hennar í athugasemdum við færsluna.

„Frábær listi og Frábær mynd,“ skrifaði Anníe Mist. Það má sjá færslu Katrínar Tönju hér fyrir neðan.