Jeremy Corbyn, fyrrum formanni Verkamannaflokksins, hefur verið hleypt aftur í flokkinn. Corbyn var vikið úr Verkamannaflokknum fyrir 19 dögum vegna viðbragða hans við skýrslu um gyðingaandúð innan flokksins.
Corbyn gaf út yfirlýsingu í dag þar sem hann harmaði að hafa sært með ummælum sínum. Yfirlýsingin var m.a. send á flokksforystuna en nefnd á vegum Verkamannaflokksins ákvað í dag að hleypa Corbyn aftur í flokkinn.
Ekki hefur verið greint frá því hvort endurkoma hans er háð skilyrðum.
Í skýrslu eftirlitsaðilans jafnréttis- og mannréttindaráðs (Equality and Human Righs Commission) var m.a. fjallað um viðbrögð Verkamannaflokksins við ásökunum um gyðingaandúð meðal flokksmanna en Corbyn sagði vandamálið stórlega ýkt í skýrslunni.
Málið væri hápólitískt.
Keir Starmer, núverandi formaður Verkamannaflokksins, sagði hins vegar að þeir sem neituðu því að gyðingandúð væri vandamál innan flokksins væru sjálfir hluti vandands.
