Kennarinn sem flytur senn í Hvíta húsið Atli Ísleifsson skrifar 13. nóvember 2020 06:30 Jill Biden á kosningafundi í Pittsburgh, skömmu fyrir forsetakosningarnar sem fram fóru 3. dag þessa mánaðar. Getty Þegar nýr Bandaríkjaforseti sver embættiseið þann 20. janúar næstkomandi mun bandaríska þjóðin sömuleiðis eignast nýja forsetafrú – Jill Biden. Þar fer kona sem brennur fyrir kennslu, hagsmunum fjölskyldna hermanna og baráttu gegn brjóstakrabbameini. Jill Biden flutti ræðu sína á flokksþingi Demókrata í ágúst síðastliðinn í tómri skólastofu í gagnfræðiskólanum Brandywine í Delaware þar sem hún kenndi í upphafi tíunda áratugarins. Eftir að Jill Biden hafði sjálf rætt kosti eiginmanns síns og ástæður þess að hann yrði góður forseti, mætti forsetaefnið, Joe Biden, og fór fögrum orðum um hvernig forsetafrú Jill yrði bandarísku þjóðinni. Sagði hann áhorfendum að ímynda sér uppáhalds kennara sinn – þann sem hefði veitt þeim það sjálfstraust að trúa á sjálfa sig. Þannig forsetafrú yrði Jill Biden fyrir bandarísku þjóðina. Jill Biden hefur sjálf sagt að hægt sé að sameina þjóð, á sama máta og maður sameinar fjölskyldur. Með ást, skilningi, litlum kærleiksfullum gjörðum, hugrekki og óhagganlegri trú. Forsetafrúin verðandi, Dr. Jill Biden, hefur sjálf sagst brenna fyrir kennslu og menntamálum og hefur verið rætt um að hún gæti orðið fyrsta forsetafrúin í sögu Bandaríkjanna til að sinna launuðu starfi utan veggja Hvíta hússins. Hún hefur sagst vilja sinna kennslunni áfram. Elst fimm systra Jill Jacobs fæddist í júní 1951 í New Jersey. Hún var elst fimm systra sem ólust upp í Willow Grove, úthverfi Fíladelfíu í Pennsylvaníu. Áður en hún kynntist Joe Biden var hún gift ruðningsleikmanninum Bill Stevenson, og hafði hún þá tekið upp eftirnafnið Stevenson. Þau skildu 1975. Joe Biden hafði misst fyrstu eiginkonu sína, Neilia Hunter Biden, og ársgamla dóttur þeirra, Naomi, í bílslysi árið 1972. Synir þeirra hjóna, Beau og Hunter, komust hins vegar báðir lífs af. Jill segist hafa kynnst Joe þremur árum eftir umrætt bílslys, í gegnum bróður sinn. Á fyrsta stefnumóti – blindu stefnumóti – hafi þau farið að sjá kvikmyndina A Man and a Woman, og hafi þau strax náð og fellt hugi saman. Joe Biden var níu árum eldri og hafði þegar tekið sæti í öldungadeild Bandaríkjaþing fyrir Delaware. "How did you get this number?"Those were the first words I spoke to Joe when he called me out of the blue on a Saturday in 1975.I ll be speaking tonight at the #DemConvention. I hope you ll tune in! pic.twitter.com/t0amDEM2kT— Dr. Jill Biden (@DrBiden) August 18, 2020 Trúlofuð eftir fimmta bónorð Jill Biden hefur sagt að Joe hafi beðið hana í fimmgang um að giftast sér áður en hún samþykkti, en þau gengu í hjónaband í New York árið 1977. Segist hún hafa viljað vera þess fullviss að Joe Biden væri sá rétti, vitandi það að synir hans tveir hefðu nú þegar misst eina móður. Slíkt mætti ekki endurtaka sig. Dóttir þeirra Jills og Joes, Ashley, kom svo í heiminn árið 1981. Brennur fyrir kennslu og menntamálum Jill Biden er nú 69 ára og hefur lengi starfað sem kennari. Auk BA-prófs er hún með tvær meistaragráður og doktorsgráðu í menntavísindum sem hún lauk frá Háskólanum í Delaware árið 2007. Teaching is not what I do. It's who I am.I'll be giving my convention speech tonight from my former classroom.Brandywine High School. Room 232. pic.twitter.com/NXx1EkqVGq— Dr. Jill Biden (@DrBiden) August 18, 2020 BBC segir frá því að áður en hún fluttist til höfuðborgarinnar Washington CD hafi hún starfað í háskóla á vegum sveitarfélags (e. community college), í gagnfræðiskóla og á unglingageðdeild. Í tíð Joe Biden sem varaforseti Bandaríkjanna, 2009 til 2017, starfaði hún við kennslu í Northern Virginia Community College. Joe Biden sver embættiseið sem varaforseti Bandaríkjanna í janúar 2009. Við hlið hans er Jill Biden, nú verðandi forsetafrú.Getty Í hlutverki eiginkonu varaforsetans beitti hún sér einnig fyrir því að auka veg og virðingu slíkra háskóla, auk þess að vinna að bættri stöðu fjölskyldna hermanna, auk þess að efla vitund almennings um brjóstakrabbamein og forvarnir á því sviði. Harmdauði Beau Biden lést af völdum krabbameins í heila í maí 2015. Hann var þá 46 ára gamall, giftur og með tvö börn. Jill Biden hefur lýst því að dauðsfall Beau hafi verið fjölskyldunni mikið áfall. „Líf mitt breyttist á svipstundu. Á meðan á veikindunum stóð hélt ég í alvöru að hann myndi hafa þetta af. Allt þar til að hann lokaði augunum. Ég hafði aldrei misst vonina,“ hefur Jill látið hafa eftir sér. Árið 2012 gaf hún út barnabókina Don't Forget, God Bless Our Troops sem byggði á reynslu ömmubarns hennar að vera hluti af fjölskyldu hermanns. Bandaríkin Joe Biden Fréttaskýringar Forsetakosningar í Bandaríkjunum Mest lesið Jarðskjálfti fannst á höfuðborgarsvæðinu Innlent Ökumaðurinn slapp naumlega: Þrjú þúsund lítrar af olíu um borð Innlent Pípari sagði skólp ástæðuna fyrir kókaíninu í blóðinu Innlent Fimmtán Íslendingar vilja komast heim Innlent Vinir Gunnfaxa vonast til að bjarga Flugfélagsþristinum Fréttir Vill ekki í stríð en segir klerkastjórnina ekki mega eignast kjarnorkuvopn Erlent Sammála Attenborough og segir tegundir þurrkaðar út Innlent Hvorki Kalli Snæ né landlæknir vilja birta bréfið Innlent Harður árekstur þegar bíl var ekið í hlið á strætisvagni Innlent „Engin virðing borin fyrir því að þarna undir eru verðmæti og störf fólks“ Innlent Fleiri fréttir Vill ekki í stríð en segir klerkastjórnina ekki mega eignast kjarnorkuvopn Staðfesta bann á meðferð trans barna Óttast um líf fjölskyldu sinnar í Íran: „Ég sef ekki á nóttunni“ Fjórtán tonna sprengjan sem Ísraela vantar „Kannski geri ég það, kannski geri ég það ekki“ Færðu barn heiladauðrar konu í heiminn Rekja rafmagnsleysið á Íberíuskaga til mistaka orkufyrirtækja Íranir hóta „óbætanlegu tjóni“ skerist Bandaríkin í leikinn Sænsk „sorpdrottning“ hlaut þungan fangelsisdóm fyrir umhverfisbrot Tugir drepnir á meðan þau biðu eftir matarskammti Árásum á Teheran fjölgar og enn einn hershöfðinginn felldur Loka bandaríska sendiráðinu í Ísrael Færeyingar vilja fullveldi Trump fundar með þjóðaröryggisráði Segist vita hvar klerkurinn feli sig en vilji ekki drepa hann strax „Erum að horfa á eitthvað betra en vopnahlé“ Drápu tugi sem biðu þess að fá mat Læknir játar að hafa gefið Perry ketamín Trump segir fólki að yfirgefa Tehran hið snarasta Ætlaði að myrða tvo þingmenn til viðbótar Gerðu árás á sjónvarpshúsið í miðri útsendingu Þeim sem skaut þingmenn lýst sem kristilegum íhaldsmanni Fyrsta konan sem stýrir MI6 Trump vill að ICE spýti í lófana og handtaki fleiri ólöglega innflytjendur Tala látinna eftir flugslysið komin í 270 Skutu eldflaugum á víxl í alla nótt Árásarmaðurinn í Minnesota handtekinn Sagður hafa bannað Ísraelum að drepa æðstaklerkinn Hlupu frá Danmörku til Svíþjóðar Annar þingmaðurinn látinn og byssumannsins enn leitað Sjá meira
Þegar nýr Bandaríkjaforseti sver embættiseið þann 20. janúar næstkomandi mun bandaríska þjóðin sömuleiðis eignast nýja forsetafrú – Jill Biden. Þar fer kona sem brennur fyrir kennslu, hagsmunum fjölskyldna hermanna og baráttu gegn brjóstakrabbameini. Jill Biden flutti ræðu sína á flokksþingi Demókrata í ágúst síðastliðinn í tómri skólastofu í gagnfræðiskólanum Brandywine í Delaware þar sem hún kenndi í upphafi tíunda áratugarins. Eftir að Jill Biden hafði sjálf rætt kosti eiginmanns síns og ástæður þess að hann yrði góður forseti, mætti forsetaefnið, Joe Biden, og fór fögrum orðum um hvernig forsetafrú Jill yrði bandarísku þjóðinni. Sagði hann áhorfendum að ímynda sér uppáhalds kennara sinn – þann sem hefði veitt þeim það sjálfstraust að trúa á sjálfa sig. Þannig forsetafrú yrði Jill Biden fyrir bandarísku þjóðina. Jill Biden hefur sjálf sagt að hægt sé að sameina þjóð, á sama máta og maður sameinar fjölskyldur. Með ást, skilningi, litlum kærleiksfullum gjörðum, hugrekki og óhagganlegri trú. Forsetafrúin verðandi, Dr. Jill Biden, hefur sjálf sagst brenna fyrir kennslu og menntamálum og hefur verið rætt um að hún gæti orðið fyrsta forsetafrúin í sögu Bandaríkjanna til að sinna launuðu starfi utan veggja Hvíta hússins. Hún hefur sagst vilja sinna kennslunni áfram. Elst fimm systra Jill Jacobs fæddist í júní 1951 í New Jersey. Hún var elst fimm systra sem ólust upp í Willow Grove, úthverfi Fíladelfíu í Pennsylvaníu. Áður en hún kynntist Joe Biden var hún gift ruðningsleikmanninum Bill Stevenson, og hafði hún þá tekið upp eftirnafnið Stevenson. Þau skildu 1975. Joe Biden hafði misst fyrstu eiginkonu sína, Neilia Hunter Biden, og ársgamla dóttur þeirra, Naomi, í bílslysi árið 1972. Synir þeirra hjóna, Beau og Hunter, komust hins vegar báðir lífs af. Jill segist hafa kynnst Joe þremur árum eftir umrætt bílslys, í gegnum bróður sinn. Á fyrsta stefnumóti – blindu stefnumóti – hafi þau farið að sjá kvikmyndina A Man and a Woman, og hafi þau strax náð og fellt hugi saman. Joe Biden var níu árum eldri og hafði þegar tekið sæti í öldungadeild Bandaríkjaþing fyrir Delaware. "How did you get this number?"Those were the first words I spoke to Joe when he called me out of the blue on a Saturday in 1975.I ll be speaking tonight at the #DemConvention. I hope you ll tune in! pic.twitter.com/t0amDEM2kT— Dr. Jill Biden (@DrBiden) August 18, 2020 Trúlofuð eftir fimmta bónorð Jill Biden hefur sagt að Joe hafi beðið hana í fimmgang um að giftast sér áður en hún samþykkti, en þau gengu í hjónaband í New York árið 1977. Segist hún hafa viljað vera þess fullviss að Joe Biden væri sá rétti, vitandi það að synir hans tveir hefðu nú þegar misst eina móður. Slíkt mætti ekki endurtaka sig. Dóttir þeirra Jills og Joes, Ashley, kom svo í heiminn árið 1981. Brennur fyrir kennslu og menntamálum Jill Biden er nú 69 ára og hefur lengi starfað sem kennari. Auk BA-prófs er hún með tvær meistaragráður og doktorsgráðu í menntavísindum sem hún lauk frá Háskólanum í Delaware árið 2007. Teaching is not what I do. It's who I am.I'll be giving my convention speech tonight from my former classroom.Brandywine High School. Room 232. pic.twitter.com/NXx1EkqVGq— Dr. Jill Biden (@DrBiden) August 18, 2020 BBC segir frá því að áður en hún fluttist til höfuðborgarinnar Washington CD hafi hún starfað í háskóla á vegum sveitarfélags (e. community college), í gagnfræðiskóla og á unglingageðdeild. Í tíð Joe Biden sem varaforseti Bandaríkjanna, 2009 til 2017, starfaði hún við kennslu í Northern Virginia Community College. Joe Biden sver embættiseið sem varaforseti Bandaríkjanna í janúar 2009. Við hlið hans er Jill Biden, nú verðandi forsetafrú.Getty Í hlutverki eiginkonu varaforsetans beitti hún sér einnig fyrir því að auka veg og virðingu slíkra háskóla, auk þess að vinna að bættri stöðu fjölskyldna hermanna, auk þess að efla vitund almennings um brjóstakrabbamein og forvarnir á því sviði. Harmdauði Beau Biden lést af völdum krabbameins í heila í maí 2015. Hann var þá 46 ára gamall, giftur og með tvö börn. Jill Biden hefur lýst því að dauðsfall Beau hafi verið fjölskyldunni mikið áfall. „Líf mitt breyttist á svipstundu. Á meðan á veikindunum stóð hélt ég í alvöru að hann myndi hafa þetta af. Allt þar til að hann lokaði augunum. Ég hafði aldrei misst vonina,“ hefur Jill látið hafa eftir sér. Árið 2012 gaf hún út barnabókina Don't Forget, God Bless Our Troops sem byggði á reynslu ömmubarns hennar að vera hluti af fjölskyldu hermanns.
Bandaríkin Joe Biden Fréttaskýringar Forsetakosningar í Bandaríkjunum Mest lesið Jarðskjálfti fannst á höfuðborgarsvæðinu Innlent Ökumaðurinn slapp naumlega: Þrjú þúsund lítrar af olíu um borð Innlent Pípari sagði skólp ástæðuna fyrir kókaíninu í blóðinu Innlent Fimmtán Íslendingar vilja komast heim Innlent Vinir Gunnfaxa vonast til að bjarga Flugfélagsþristinum Fréttir Vill ekki í stríð en segir klerkastjórnina ekki mega eignast kjarnorkuvopn Erlent Sammála Attenborough og segir tegundir þurrkaðar út Innlent Hvorki Kalli Snæ né landlæknir vilja birta bréfið Innlent Harður árekstur þegar bíl var ekið í hlið á strætisvagni Innlent „Engin virðing borin fyrir því að þarna undir eru verðmæti og störf fólks“ Innlent Fleiri fréttir Vill ekki í stríð en segir klerkastjórnina ekki mega eignast kjarnorkuvopn Staðfesta bann á meðferð trans barna Óttast um líf fjölskyldu sinnar í Íran: „Ég sef ekki á nóttunni“ Fjórtán tonna sprengjan sem Ísraela vantar „Kannski geri ég það, kannski geri ég það ekki“ Færðu barn heiladauðrar konu í heiminn Rekja rafmagnsleysið á Íberíuskaga til mistaka orkufyrirtækja Íranir hóta „óbætanlegu tjóni“ skerist Bandaríkin í leikinn Sænsk „sorpdrottning“ hlaut þungan fangelsisdóm fyrir umhverfisbrot Tugir drepnir á meðan þau biðu eftir matarskammti Árásum á Teheran fjölgar og enn einn hershöfðinginn felldur Loka bandaríska sendiráðinu í Ísrael Færeyingar vilja fullveldi Trump fundar með þjóðaröryggisráði Segist vita hvar klerkurinn feli sig en vilji ekki drepa hann strax „Erum að horfa á eitthvað betra en vopnahlé“ Drápu tugi sem biðu þess að fá mat Læknir játar að hafa gefið Perry ketamín Trump segir fólki að yfirgefa Tehran hið snarasta Ætlaði að myrða tvo þingmenn til viðbótar Gerðu árás á sjónvarpshúsið í miðri útsendingu Þeim sem skaut þingmenn lýst sem kristilegum íhaldsmanni Fyrsta konan sem stýrir MI6 Trump vill að ICE spýti í lófana og handtaki fleiri ólöglega innflytjendur Tala látinna eftir flugslysið komin í 270 Skutu eldflaugum á víxl í alla nótt Árásarmaðurinn í Minnesota handtekinn Sagður hafa bannað Ísraelum að drepa æðstaklerkinn Hlupu frá Danmörku til Svíþjóðar Annar þingmaðurinn látinn og byssumannsins enn leitað Sjá meira