Katrín áfram í öðru sætinu

Katrín Tanja Davíðsdóttir heldur í annað sætið á heimsmeistaramótinu í CrossFit sem fer fram í Bandaríkjunum.

Sjöunda greinin hét „Snatch Speed triple“. Þar var okkar kona í þriðja sætinu og fékk hún þar af leiðandi 50 stig fyrir að taka bronsið í sjöundu greininni.

Brooke Wells lenti í öðru sætinu en Tia-Clair Toomey, ríkjandi heimsmeistari, vann þessa grein eins og fjórar aðrar.

Tia-Clair Toomey er í efsta sætinu með 570 stig, Katrín Tanja Davíðsdóttir er í öðru sætinu með 390 stig og Brooke Wells er í þriðja sætinu með 350 stig.

Haley Adams er fjórða með 425 stig sem og Kari Pearce en tvær greinar eru eftir í dag áður en lokadagurinn rennur upp á morgun.