Gummersbach með fullt hús stiga

Þjálfaraferill Guðjóns Vals Sigurðssonar fer vel af stað en Gummersbach hefur unnið fyrstu tvo leiki sína í þýsku B-deildinni í handbolta.

Í dag fékk liðið heimsókn frá Furstenfeldbruck og er óhætt að segja að lærisveinar Guðjóns hafi ekki átt í miklum vandræðum með lið gestanna. 

Snemma var ljóst í hvað stefndi því staðan í leikhléi var 21-11. Fór að lokum svo að Gummersbach vann fimmtán marka sigur, 40-25.

Eyjapeyjinn Elliði Snær Viðarsson skoraði fjögur mörk og nýtti öll sín skot í leiknum.