Aron Rafn tapaði fyrir gömlu félögunum

Handboltamarkvörðurinn stóri og stæðilegi, Aron Rafn Eðvarðsson, var í eldlínunni í þýsku B-deildinni í handbolta þegar lið hans, Bietigheim, heimsótti Hamburg en Aron Rafn lék með Hamburg áður en hann gekk í raðir Bietigheim.

Aron varði sex skot á þeim 34 mínútum sem hann spilaði og var með 20% markvörslu.

Leiknum lauk með öruggum sex marka sigri Hamburg, 34-28, eftir að staðan í leikhléi var 16-13.

Aron Rafn og félagar eru í harðri toppbaráttu og misstu Tusem Essen upp fyrir sig í 2.sæti deildarinnar í kjölfar tapsins í dag.