Ísafjarðarbær missir annan bæjarstjóra sinn á einni viku

Byggðarráð Borgarbyggðar hefur lagt til að gengið verði til samninga við Þórdísi Sif Sigurðardóttur um starf sveitarstjóra Borgarbyggðar og verður sú ákvörðun lögð fyrir sveitarstjórn þann 13. febrúar næstkomandi. Fimmtán sóttu um starfið. Frá þessu er greint á vef Borgarbyggðar.

Þórdís er með B.S. gráðu í viðskiptalögfræði og ML gráðu í lögfræði. Undanfarin ár hefur Þórdís starfað sem sviðsstjóri stjórnsýslu- og fjármálasviðs Ísafjarðarbæjar, auk þess sem hún hefur verið staðgengill bæjarstjóra. Í dag er hún starfandi bæjarstjóri Ísafjarðarbæjar eftir að Guðmundur Gunnarsson hætti óvænt störfum á dögunum.

Gunnlaugi A. Júlíussyni var sagt upp störfum sem sveitarstjóri í nóvember eftir að hafa verið endurráðinn sveitarstjóri á vordögum 2018. Kom fram í tilkynningu á vef sveitarfélagsins að ástæðan hefði verið ólík sýn á stjórnun sveitarfélagsins.

Gunnlaugur íhugar að höfða mál á hendur sveitarfélaginu. Er það vegna uppgjörs á óteknu orlofi og launum samkvæmt ráðningarsamningi. Þar að auki verður krafist bóta vegna uppsagnar sem Gunnlaugur vill meina að hafi verið ólögleg.

Fimmtán sóttu um starfið og má sjá nöfn þeirra hér að neðan:

Aðalsteinn Júlíus Magnússon, Framkvæmdastjóri

Árni Hjörleifsson, Oddviti

Ásgeir Sæmundsson, Rafvirki

Bjarni Ó Halldórsson, Rekstrarhagfræðingur

Einar Örn Thorlacius, Lögfræðingur

Eva Hlín Alfreðsdóttir, Verkefnastjóri

Eyjólfur Vilberg Gunnarsson, Forstöðumaður

Guðni Halldórsson, Framkvæmdastjóri

Hafdís Vala Freysdóttir, Forstöðumaður

Jón Fannar Guðmundsson, Sérfræðingur

Ólafur Kjartansson, Viðskiptastjóri

Sæmundur Ásgeirsson, Verkstjóri

Þorsteinn Valur Baldvinsson, Jarðvinnuverkstjóri

Þórdís Sif Sigurðardóttir, Sviðsstjóri

Þórólfur Árnason, Verkfræðingur