Íslandmeistaratitill í knattspyrnu til Ólafsvíkur

Víkingur Ólafsvík eru Íslandsmeistari innanhúss í meistaraflokki karla í knattspyrnu eftir 6-4 sigur í framlengdum leik gegn Ísbirninum í Laugardalshöllinni í gær.

Hermann Geir Þórisson skoraði tvö mörk fyrir Víking og þeir Bjartur Bjarmi Barkarson, Anel Crnac, Brynjar Vilhjálmsson og Emir Dokara skoruðu sitt markið hver.

Ricardo Joao Magalaes Dias, Orats Reta Garcia, Mateusz Tomasz Lis og Rui Pedro De Jesus Pereira skoruðu mörkin fyrir Ísbjörninn.

Víkingur Ó. vann 5-3 sigur gegn Aftureldingu/Hvíta Riddaranum í undanúrslitunum á meðan Ísbjörninn vann 2-1 sigur gegn Vængjum Júpíters.