Eftirminnilegustu leikirnir við Dani á stórmótum: Sár vonbrigði, stórkostlegur Snorri og Aron stimplar sig inn Ingvi Þór Sæmundsson skrifar 11. janúar 2020 08:00 Ísland og Danmörk hafa marga hildina háð á stórmótum í gegnum tíðina. Ísland mætir Danmörku í fyrsta leik sínum á Evrópumótinu í handbolta 2020 í Malmö í dag. Leikurinn hefst klukkan 17:15 og verður í beinni textalýsingu á Vísi. Í tilefni af leiknum hefur Vísir rifjað upp fjóra eftirminnilegustu leiki Íslendinga og Dana á stórmótum í gegnum tíðina.Ísland 25-16 Danmörk, HM 1986Úr umfjöllun Morgunblaðsins um frækinn og sögulegan sigur Íslands á Danmörku á HM 1986.skjáskot af timarit.isEftir að hafa tapað fyrstu fimm leikjum sínum gegn Dönum á stórmótum unnu Íslendingar gömlu herraþjóðina í milliriðli á HM í Sviss 1986. Staðan í hálfleik var jöfn, 10-10, en Ísland var miklu sterkari í seinni hálfleik og vann hann, 15-6, og leikinn, 25-16. Þetta var ekki bara fyrsti sigur Íslands á Danmörku á stórmóti heldur einnig stærsti sigur Íslendinga á stórmóti. Einar Þorvarðarson varði frábærlega í íslenska markinu og Atli Hilmarsson var markahæstur Íslendinga með átta mörk. Páll Ólafsson nýtti tækifærið sem hann fékk vel og skoraði fjögur mörk. „Eftir þennan leik þori ég að fullyrða að Einar Þorvarðarson er einn besti markvörður í heimi,“ sagði Atli um félaga sinn við Morgunblaðið eftir leikinn. Leif Mikkelsen, þjálfara Dana, var ekki jafn ánægður og sagði daginn þann versta í sínu lífi. Ísland endaði í 6. sæti á HM í Sviss og tryggði sér þar með sæti á öðrum Ólympíuleikunum í röð.Mörk Íslands: Atli Hilmarsson 8, Kristján Arason 6/1, Páll Ólafsson 4, Þorbergur Aðalsteinsson 2, Bjarni Guðmundsson 2, Sigurður Gunnarsson 1, Guðmundur Guðmundsson 1, Þorgils Óttar Mathiesen 1.Ísland 41-42 Danmörk, HM 2007Snorri Steinn skoraði 15 mörk í leiknum fræga gegn Dönum í 8-liða úrslitum HM 2007.vísir/gettyGeðheilsu landans vegna er best að eyða sem fæstum orðum í leik Íslands og Danmerkur í 8-liða úrslitum HM 2007. Leikurinn var stórkostleg skemmtun og gríðarlega spennandi en endirinn var grátlegur fyrir Íslendinga. Lars Möller Madsen skoraði sigurmark Dana á lokasekúndunum en í sókninni á undan átti Alexander Petersson skot í stöng danska marksins. Snorri Steinn Guðjónsson átti ótrúlegan leik og skoraði 15 mörk. Hann skoraði m.a. markið sem tryggði Íslendingum framlengingu úr vítakasti í blálokin. Ísland endaði að lokum í 8. sæti á HM 2007 eftir að hafa aðeins verið nokkrum sentímetrum frá því að komast í undanúrslit.Mörk Íslands: Snorri Steinn Guðjónsson 15/4, Ólafur Stefánsson 6/2, Logi Geirsson 6, Guðjón Valur Sigurðsson 5, Róbert Gunnarsson 4, Alexander Petersson 3, Ásgeir Örn Hallgrímsson 1, Sigfús Sigurðsson 1.Ísland 32-32 Danmörk, ÓL 2008Af forsíðu Fréttablaðsins 17. ágúst 2008. Guðjón Valur Sigurðsson og Sigfús Sigurðsson sjást þar ræða við Ulrik Wilbæk, landsliðsþjálfara Dana, sem var heitt í hamsi eftir jafnteflið við Íslendinga.skjáskot af timarit.is.Aftur skoraði Snorri Steinn jöfnunarmark úr vítakasti gegn Danmörku þegar allt var undir. Danir voru afar ósáttir við vítadóminn og þjálfari þeirra, Ulrik Wilbek, lét öllum illum látum. Til orðaskipta kom milli hans og Guðjóns Vals Sigurðssonar eftir leikinn. Snorri var markahæstur í íslenska liðinu með átta mörk. Hann fagnaði jöfnunarmarkinu með því að hlaupa undir eina stúkuna í íþróttahúsinu. Líkt og leikurinn á HM ári fyrr var leikur liðanna á Ólympíuleikunum í Peking æsispennandi og vel spilaður. Endirinn var þó öllu ánægjulegri en í Hamborg 2007. Með stiginu tryggði Ísland sér sæti í 8-liða úrslitum Ólympíuleikanna. Framhaldið þekkja svo allir. Íslendingar unnu Pólverja í 8-liða úrslitum og tryggðu sér svo sæti í úrslitaleik Ólympíuleikanna með sigri á Spánverjum. Íslenska liðið kom svo heim með silfurpening um hálsinn.Mörk Íslands: Snorri Steinn Guðjónsson 8/4, Guðjón Valur Sigurðsson 6, Ólafur Stefánsson 5, Arnór Atlason 4, Alexander Petersson 3, Róbert Gunnarsson 3, Ásgeir Örn Hallgrímsson 2, Sigfús Sigurðsson 1.Ísland 27-22 Danmörk, EM 2010Aron átti sinn fyrsta stórleik á stórmóti gegn Danmörku á EM 2010.vísir/epaEftir að hafa kastað frá sér sigrum gegn Serbíu og Austurríki þurfti Ísland að vinna Danmörku í lokaleik sínum í B-riðli á EM 2010. Staðan í hálfleik var 13-15, Íslandi í vil. Í seinni hálfleik skoruðu Danir aðeins níu mörk gegn tólf mörkum Íslendinga sem léku frábæra vörn. Björgvin Páll Gústavsson átti líka frábæran leik í íslenska markinu og varði 19 skot (46%). Eftir að hafa nánast ekkert spilað í fyrstu tveimur leikjum Íslands á EM fékk Aron Pálmarsson, þá 19 ára, stórt tækifæri gegn Dönum og stimplaði sig inn með fimm mörkum. Þetta var fyrsti sigur Íslands á ríkjandi meisturum á stórmóti. Með honum tryggði íslenska liðið sér efsta sætið í B-riðli. Íslendingar fóru svo alla leið í undanúrslit, töpuðu þar fyrir Frökkum en sigruðu svo Pólverja í leiknum um 3. sætið og fengu því verðlaun á öðru stórmótinu í röð.Mörk Íslands: Guðjón Valur Sigurðsson 6, Aron Pálmarsson 5, Alexander Petersson 4, Róbert Gunnarsson 4, Arnór Atlason 3, Snorri Steinn Guðjónsson 3/3, Sverre Jakobsson 1, Ólafur Stefánsson 1. EM 2020 í handbolta Mest lesið Stuðningsfólk Fortuna brjálað út í Ísak Bergmann Fótbolti Kolbeinn er WBF heimsmeistari Sport Hispurslaus Amorim mun reynast Man United vel Enski boltinn Fékk draum sinn uppfylltan og heiðraði minningu látinnar dóttur sinnar Fótbolti Valdi tíu bestu augnablik Meistaradeildar Evrópu á leiktíðinni Fótbolti Tveir látnir og fleiri hundruð handtekin í óeirðum eftir sigur PSG Fótbolti Dagskráin í dag: Stórleikur á Kópavogsvelli, Formúla 1 og margt fleira Sport Sævar hundeltur af blaðamönnum í Danmörku og Noregi Fótbolti „Draumar rætast“ Fótbolti Indiana Pacers í úrslit í fyrsta sinn síðan árið 2000 Körfubolti Fleiri fréttir Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið „Við þurfum hjálp frá Guði“ „Við erum með gríðarlega sterka liðsheild“ Sjá meira
Ísland mætir Danmörku í fyrsta leik sínum á Evrópumótinu í handbolta 2020 í Malmö í dag. Leikurinn hefst klukkan 17:15 og verður í beinni textalýsingu á Vísi. Í tilefni af leiknum hefur Vísir rifjað upp fjóra eftirminnilegustu leiki Íslendinga og Dana á stórmótum í gegnum tíðina.Ísland 25-16 Danmörk, HM 1986Úr umfjöllun Morgunblaðsins um frækinn og sögulegan sigur Íslands á Danmörku á HM 1986.skjáskot af timarit.isEftir að hafa tapað fyrstu fimm leikjum sínum gegn Dönum á stórmótum unnu Íslendingar gömlu herraþjóðina í milliriðli á HM í Sviss 1986. Staðan í hálfleik var jöfn, 10-10, en Ísland var miklu sterkari í seinni hálfleik og vann hann, 15-6, og leikinn, 25-16. Þetta var ekki bara fyrsti sigur Íslands á Danmörku á stórmóti heldur einnig stærsti sigur Íslendinga á stórmóti. Einar Þorvarðarson varði frábærlega í íslenska markinu og Atli Hilmarsson var markahæstur Íslendinga með átta mörk. Páll Ólafsson nýtti tækifærið sem hann fékk vel og skoraði fjögur mörk. „Eftir þennan leik þori ég að fullyrða að Einar Þorvarðarson er einn besti markvörður í heimi,“ sagði Atli um félaga sinn við Morgunblaðið eftir leikinn. Leif Mikkelsen, þjálfara Dana, var ekki jafn ánægður og sagði daginn þann versta í sínu lífi. Ísland endaði í 6. sæti á HM í Sviss og tryggði sér þar með sæti á öðrum Ólympíuleikunum í röð.Mörk Íslands: Atli Hilmarsson 8, Kristján Arason 6/1, Páll Ólafsson 4, Þorbergur Aðalsteinsson 2, Bjarni Guðmundsson 2, Sigurður Gunnarsson 1, Guðmundur Guðmundsson 1, Þorgils Óttar Mathiesen 1.Ísland 41-42 Danmörk, HM 2007Snorri Steinn skoraði 15 mörk í leiknum fræga gegn Dönum í 8-liða úrslitum HM 2007.vísir/gettyGeðheilsu landans vegna er best að eyða sem fæstum orðum í leik Íslands og Danmerkur í 8-liða úrslitum HM 2007. Leikurinn var stórkostleg skemmtun og gríðarlega spennandi en endirinn var grátlegur fyrir Íslendinga. Lars Möller Madsen skoraði sigurmark Dana á lokasekúndunum en í sókninni á undan átti Alexander Petersson skot í stöng danska marksins. Snorri Steinn Guðjónsson átti ótrúlegan leik og skoraði 15 mörk. Hann skoraði m.a. markið sem tryggði Íslendingum framlengingu úr vítakasti í blálokin. Ísland endaði að lokum í 8. sæti á HM 2007 eftir að hafa aðeins verið nokkrum sentímetrum frá því að komast í undanúrslit.Mörk Íslands: Snorri Steinn Guðjónsson 15/4, Ólafur Stefánsson 6/2, Logi Geirsson 6, Guðjón Valur Sigurðsson 5, Róbert Gunnarsson 4, Alexander Petersson 3, Ásgeir Örn Hallgrímsson 1, Sigfús Sigurðsson 1.Ísland 32-32 Danmörk, ÓL 2008Af forsíðu Fréttablaðsins 17. ágúst 2008. Guðjón Valur Sigurðsson og Sigfús Sigurðsson sjást þar ræða við Ulrik Wilbæk, landsliðsþjálfara Dana, sem var heitt í hamsi eftir jafnteflið við Íslendinga.skjáskot af timarit.is.Aftur skoraði Snorri Steinn jöfnunarmark úr vítakasti gegn Danmörku þegar allt var undir. Danir voru afar ósáttir við vítadóminn og þjálfari þeirra, Ulrik Wilbek, lét öllum illum látum. Til orðaskipta kom milli hans og Guðjóns Vals Sigurðssonar eftir leikinn. Snorri var markahæstur í íslenska liðinu með átta mörk. Hann fagnaði jöfnunarmarkinu með því að hlaupa undir eina stúkuna í íþróttahúsinu. Líkt og leikurinn á HM ári fyrr var leikur liðanna á Ólympíuleikunum í Peking æsispennandi og vel spilaður. Endirinn var þó öllu ánægjulegri en í Hamborg 2007. Með stiginu tryggði Ísland sér sæti í 8-liða úrslitum Ólympíuleikanna. Framhaldið þekkja svo allir. Íslendingar unnu Pólverja í 8-liða úrslitum og tryggðu sér svo sæti í úrslitaleik Ólympíuleikanna með sigri á Spánverjum. Íslenska liðið kom svo heim með silfurpening um hálsinn.Mörk Íslands: Snorri Steinn Guðjónsson 8/4, Guðjón Valur Sigurðsson 6, Ólafur Stefánsson 5, Arnór Atlason 4, Alexander Petersson 3, Róbert Gunnarsson 3, Ásgeir Örn Hallgrímsson 2, Sigfús Sigurðsson 1.Ísland 27-22 Danmörk, EM 2010Aron átti sinn fyrsta stórleik á stórmóti gegn Danmörku á EM 2010.vísir/epaEftir að hafa kastað frá sér sigrum gegn Serbíu og Austurríki þurfti Ísland að vinna Danmörku í lokaleik sínum í B-riðli á EM 2010. Staðan í hálfleik var 13-15, Íslandi í vil. Í seinni hálfleik skoruðu Danir aðeins níu mörk gegn tólf mörkum Íslendinga sem léku frábæra vörn. Björgvin Páll Gústavsson átti líka frábæran leik í íslenska markinu og varði 19 skot (46%). Eftir að hafa nánast ekkert spilað í fyrstu tveimur leikjum Íslands á EM fékk Aron Pálmarsson, þá 19 ára, stórt tækifæri gegn Dönum og stimplaði sig inn með fimm mörkum. Þetta var fyrsti sigur Íslands á ríkjandi meisturum á stórmóti. Með honum tryggði íslenska liðið sér efsta sætið í B-riðli. Íslendingar fóru svo alla leið í undanúrslit, töpuðu þar fyrir Frökkum en sigruðu svo Pólverja í leiknum um 3. sætið og fengu því verðlaun á öðru stórmótinu í röð.Mörk Íslands: Guðjón Valur Sigurðsson 6, Aron Pálmarsson 5, Alexander Petersson 4, Róbert Gunnarsson 4, Arnór Atlason 3, Snorri Steinn Guðjónsson 3/3, Sverre Jakobsson 1, Ólafur Stefánsson 1.
EM 2020 í handbolta Mest lesið Stuðningsfólk Fortuna brjálað út í Ísak Bergmann Fótbolti Kolbeinn er WBF heimsmeistari Sport Hispurslaus Amorim mun reynast Man United vel Enski boltinn Fékk draum sinn uppfylltan og heiðraði minningu látinnar dóttur sinnar Fótbolti Valdi tíu bestu augnablik Meistaradeildar Evrópu á leiktíðinni Fótbolti Tveir látnir og fleiri hundruð handtekin í óeirðum eftir sigur PSG Fótbolti Dagskráin í dag: Stórleikur á Kópavogsvelli, Formúla 1 og margt fleira Sport Sævar hundeltur af blaðamönnum í Danmörku og Noregi Fótbolti „Draumar rætast“ Fótbolti Indiana Pacers í úrslit í fyrsta sinn síðan árið 2000 Körfubolti Fleiri fréttir Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið „Við þurfum hjálp frá Guði“ „Við erum með gríðarlega sterka liðsheild“ Sjá meira