107 sm lax úr Jöklu

Jökla er það veiðisvæði á landinu sem á líklega mest inni en þetta skemmtilega veiðisvæði er að blómstra þessa dagana.

Dagsveiðin hefur verið að skila 12-15 löxum á dag sem er ljómandi veiði og það er að sjást lax víða í Jöklu sjálfri sem og hliðaránum. Fyrir nokkrum dögum var stærsta laxinum úr ánni landað úr veiðistaðnum Sájlfheldu en það var 107 sm hrygna sem tóm Snældu. Önnur hrygna veiddist á sama stað og var hún mæld 89 sm. Þessi 107 sm hrygna er því annar laxinn sem veiðist í sumar á landinu sem er 107 sm. Það er lítur vel út með framhaldið í Jöklu en allar líkur á að yfirfallið fari ekki að raska veiðinni fyrr en seinni partinn í ágúst. Jökla er vel þekkt fyrir stóra laxa og það verða vonandi fleiri af þessu kalibera sem taka flugur veiðimanna þar í sumar.