Loks hægt að nálgast Ferða­­gjöfina

„Ferðagjöfin“ svokallaða er nú aðgengileg Íslendingum. Einstaklingar með lögheimili á Íslandi, íslenska kennitölu og eru fæddir árið 2002 eða fyrr geta nýtt sér gjöfina sem er rafræna og að upphæð 5.000 krónur.

Ferðagjöfin er hluti af aðgerðapakka stjórnvalda og ætlað að styðja við bakið á íslenskri ferðaþjónustu í kjölfar heimsfaraldurs kórónuveirunnar.

Á vef Ferðamálastofu ferdalag.is er hægt að sjá þau fyrirtæki sem hyggjast taka á móti Ferðagjöfinni, þar með talin hótel, gistiheimili, afþreyingarfyrirtæki, bílaleigur og veitingastaði. Þar að auki er hægt að sjá ýmis tilboð í tengslum við verkefnið, að því er fram kemur í tilkynningu á vef atvinnuvega- og nýsköpunarráðuneytisins. Enn er hægt að skrá fyrirtæki til leiks.

Allir þeir sem nýta ekki Ferðagjöfina geta gefið hana áfram, en hver einstaklingur getur notað að hámarki fimmtán gjafir. Verður hægt að nota Ferðagjöfina til næstu áramóta.

Hægt er að finna Ferðagjöfina á síðunni ferdagjof.island.is.